കുഞ്ഞു നിയയ്ക്ക് സഹായവാഗ്ദാനവുമായി ആരോഗ്യമന്ത്രി; കെ കെ ശൈലജ നിയയെ കാണാനെത്തും

ഇന്ന് ആരോഗ്യമന്ത്രി കെ കെ ശൈലജ നിയയുടെ വീട് സന്ദർശിക്കും. അതിന് ശേഷമാകും ആവശ്യമായ നടപടികൾ സ്വീകരിക്കുക.

കണ്ണൂർ: ശ്രവണ സഹായ ഉപകരണം നഷ്ടപ്പെട്ട് കേൾക്കാനാവാതെ ബുദ്ധിമുട്ടുന്ന കണ്ണൂർ പെരളശ്ശേരിയിലെ രണ്ടു വയസ്സുകാരി നിയയ്ക്ക് സഹായ വാഗ്ദാനവുമായി ആരോഗ്യമന്ത്രി കെ കെ ശൈലജ. ആരോഗ്യ മന്ത്രി ഇന്ന് നിയയുടെ വീട് സന്ദർശിക്കും. ഇതിന് ശേഷമാകും നടപടികൾ സ്വീകരിക്കുക. മുൻ മുഖ്യമന്ത്രി ഉമ്മൻചാണ്ടിയും ഇന്നലെ നിയയുടെ കുടുംബവുമായി സംസാരിച്ചിരുന്നു.

പെരളശ്ശേരിയിലെ നിയമോളുടെ ശ്രവണസഹായി നഷ്ടപ്പെട്ട വാർത്ത ഏഷ്യാനെറ്റ് ന്യൂസ് നേരത്തെ റിപ്പോർട്ട് ചെയ്തിരുന്നു. നാല് മാസം മുൻപ് ഘടിപ്പിച്ച ശ്രവണ സഹായ ഉപകരണം ആശുപത്രിയിലേക്കുള്ള ട്രെയിൻ യാത്രക്കിടെ നഷ്ടപ്പെടുകയായിരുന്നു.  ഇതോടെ അക്ഷരങ്ങൾ പഠിച്ചു തുടങ്ങിയിരുന്ന നിയമോൾ ഒന്നും കേൾക്കാനാകാതെ ബുദ്ധിമുട്ടുകയാണ്.  നാല് ലക്ഷത്തിലധികം വില വരുന്നതിനാൽ എന്ത് ചെയ്യണമെന്നറിയാതെ പകച്ച് നിൽക്കുകയാണ് കുടുംബം.

നിയമോളെക്കുറിച്ചുള്ള വാർത്ത ചുവടെ: