ബ്രേക്കിന് പകരം ആക്സിലറേറ്റര്; യുവതിയുടെ കാര് ഇടിച്ച് 72 കാരന് ദാരുണാന്ത്യം
Synopsis
ഡ്രൈവിംഗ് പരിശീലനം 72 കാരന് ദാരുണാന്ത്യം
ദില്ലി:എഴുപത്തിരണ്ടുകാരനെ വാഹനമിടിപ്പിച്ച് കൊലപ്പെടുത്തിയ കേസില് യുവതി അറസ്റ്റില്. ദില്ലിയില് ചൊവ്വാഴ്ചയാണ് സംഭവം. ഡ്രൈവിംഗ് പരിശീലനത്തിനിടെ നിയന്ത്രണം നഷ്ടപ്പെട്ട യുവതി സന്തോഷി ദേവി ബ്രേക്ക് ചവിട്ടുന്നതിന് പകരം ആക്സിലറേറ്ററില് ചവിട്ടുകയായിരുന്നു.
നടക്കാനിറങ്ങിയ ക്രിതി വല്ലഭ് തന്റെ നേര്ക്ക് വാഹനം പാഞ്ഞുവരുന്നത് കണ്ട് യുവതിയോട് വാഹനം നിര്ത്താന് കൈ ഉയര്ത്തി വിളിച്ച് പറഞ്ഞിരുന്നു. എന്നാല് വെപ്രാളത്തില് ആക്സിലറേറ്ററില് ചവിട്ടിയെന്ന് ചോദ്യം ചെയ്യലില് യുവതി പൊലീസിനോട് പറഞ്ഞു. മരണപ്പെട്ട ക്രിതി വല്ലഭിന്റെ കുടുംബം സംഭവം നടക്കുമ്പോള് വീട്ടിലില്ലായിരുന്നു. പ്രദേശവാസികള് മകളെ വിവരമറിയിച്ചതിനെ തുടര്ന്ന് ഇവര് എത്തിയാണ് ഇയാളെ ആശുപത്രിയിലേക്ക് മാറ്റിയത്. അപ്പോളേക്കും മരണം സംഭവിച്ചിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam