വിവാഹാഘോഷങ്ങളില്‍ സ്ത്രീകളുടെ നൃത്തത്തിന് വിലക്ക്

ഹരിയാന: വിവാഹാഘോഷങ്ങളിൽ സ്​ത്രീകളുടെ നൃത്തത്തിന് വിലക്ക്. ഹരിയാന ജിൻഡിലെ അഖില ഭാരതീയ അഗർവാൾ സമാജ്​ ആണ്​ അഗർവാൾ സമുദായത്തിലെ വിവാഹാഘോഷത്തിൽ സ്​ത്രീകളുടെ നൃത്തം നി​രോധിച്ചത്​. വിവാഹ ആഘോഷത്തിൽ സ്​ത്രീകളുടെ നൃത്തം അപമര്യാദയാണെന്ന്​ പറഞ്ഞ സമുദായ സംഘടന, ഇത്​ മറക്കുള്ളിൽ ആക​ട്ടെയെന്നും നിർദേശിച്ചു.

ഇത്തരം തീരുമാനങ്ങൾ പണത്തി​ന്‍റെ അമിത ഉപയോഗം തടയുമെന്നാണ്​ ജിൻഡ്​ ബി.ജെ.പി വനിതാ വിഭാഗം പ്രസിഡന്‍റ്​ പുഷ്​പ തയാൽ പ്രതികരിച്ചത്​. ആഘോഷം മറക്കുള്ളിൽ അനുവദിച്ചിട്ടുണ്ടെന്നും തയാൽ പറഞ്ഞു.  ഇത്തരം ആഘോഷങ്ങൾക്കായുള്ള പണം പാവപ്പെട്ടവരുടെ വിവാഹത്തിനായി വിനിയോഗിക്കാനും സമുദായ നേതൃത്വം നിർദേശിച്ചു.

വനിതകൾ വിവാഹാഘോഷങ്ങളിൽ  നൃത്തം ചെയ്യുന്നതിനെ സമൂഹത്തിലെ മുതിർന്നവർ ഇഷ്​ടപ്പെടുന്നില്ലെന്നും ഇതിനെതിരെ ബോധവത്​കരണം നടത്താൻ ലക്ഷ്യമിടുന്നതായും ഹരിയാന വിനതാ കമീഷൻ അംഗം സോണിയ അഗർവാൾ പറഞ്ഞു.