സഹോദരി ദളിത് യുവാവിനെ വിവാഹം കഴിച്ചതിന് യുവതിക്ക് ഊരുവിലക്ക്
Synopsis
ഹൈദരാബാദ്: സ്വന്തം സഹോദരി ദളിത് യുവാവിനെ വിവാഹം കഴിച്ചതിന് യുവതിയെ ഊരുവിലക്കി. തെലങ്കാനയിലെ നവാബ്പേട്ട് വില്ലേജിലാണ് കഴിഞ്ഞ ആറ് മാസമായി ജ്യോതി എന്ന യുവതി ഊരുവിലക്കും സാമൂഹിക ബഹിഷ്കരണവും നേരിടുന്നത്.
ഗൂണ്ട്ല സമുദായക്കാരിയായ ജ്യോതിയുടെ സഹോദരി ലത ദളിത് സമുദായമായ മഡിഗ ജാതിക്കാരനായ യുവാവിനെ വിവാഹം കഴിച്ചിരുന്നു. സാമുദായികമായ എതിര്പ്പുകള് മറികടന്നാണ് ലത വിവാഹം കഴിച്ചത്. ഭര്ത്താവുമായി പിരിഞ്ഞ ലത കഴിഞ്ഞ ആറ് മാസമായി ജ്യോതിക്കൊപ്പമാണ് താമസിച്ചു വരുന്നത്. ദളിത് സമുദായക്കാരനെ വിവാഹം കഴിച്ച സഹോദരിക്ക് അഭയം നല്കിയതിനെ തുടര്ന്നാണ് മറ്റ് സമുദായാംഗങ്ങള് ഊരുവിലക്ക് കല്പ്പിച്ചത്. സമുദായ നേതാക്കള്ക്കെതിരെ ജ്യോതി വ്യാഴാഴ്ച പോലീസില് പരാതി നല്കി. ഇതോടെയാണ് സംഭവം പുറത്തറിഞ്ഞത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam