വിക്സ് ആക്ഷന് 500 ഉള്പ്പെടെ 344 മരുന്നുകളുടെ നിരോധനം നീക്കി
Synopsis
ദില്ലി: വിക്സ് ആക്ഷന് 500 ഉള്പ്പടെ രാജ്യത്ത് 344 മരുന്നുകള്ക്ക് കേന്ദ്ര സര്ക്കാര് ഏര്പ്പെടുത്തിയ നിരോധനം ദില്ലി ഹൈക്കോടതി നീക്കി. ആരോഗ്യത്തിന് അപകടമെന്ന് ചൂണ്ടിക്കാട്ടി വിക്സ് ആക്ഷന് 500 പുറമെ കോറെക്സ്, സാരിഡോണ്, ഡി-കോള്ഡ് ടോട്ടല് തുടങ്ങിയ മരുന്നുകളാണ് കേന്ദ്ര സര്ക്കാര് നിരോധിച്ചത്. മരുന്ന് കമ്പനികളുടെ വാദം അംഗീകരിച്ചാണ് കോടതിയുടെ വിധി.
മതിയായ പരിശോധന നടത്തുകയോ, നടപടിക്രമങ്ങള് പാലിക്കുകയോ ചെയ്യാതെയാണ് മരുന്നുകളുടെ സംയുക്തങ്ങള്ക്കും ബ്രാന്ഡുകള്ക്ക് നിരോധനം ഏര്പ്പെടുത്തിയതെന്ന് മരുന്ന് കമ്പനികള് വാദിച്ചു.
മരുന്ന് കൂട്ടുകളില് പലതും ശാസ്ത്രീയമായിട്ടല്ലെന്നായിരുന്നു കേന്ദ്ര സര്ക്കാരിന്റെ വാദം. കോടതി അത് അംഗീകരിച്ചില്ല. ദില്ലി ഹൈക്കോടതി വിധി ചോദ്യം ചെയ്ത് കേന്ദ്ര സര്ക്കാര് സുപ്രീംകോടതിയെ സമീപിക്കും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam