മന്ത്രി കടകംപള്ളി സുരേന്ദ്രനെതിരെ വധഭീഷണിയും അശ്ലീല പദപ്രയോഗവും; യുവാവ് അറസ്റ്റില്‍

വാട്സ് ആപ്പ് ശബ്ദ സന്ദേശത്തിലൂടെ വധഭീഷണി മുഴക്കുകയും, അശ്ലീല പദപ്രയോഗം നടത്തുകയും ചെയ്ത സംഭവത്തില്‍ യുവാവിനെ പോലീസ് അറസ്റ്റ് ചെയ്തു.  രണ്ട് വര്‍ഷം വരെ തടവും പിഴയും ശിക്ഷ കിട്ടാവുന്ന വകുപ്പുകള്‍ പ്രകാരമാണ് പോലീസ് കേസെടുത്തിരിക്കുന്നത്.

തിരുവനന്തപുരം: ദേവസ്വം മന്ത്രി കടകംപള്ളി സുരേന്ദ്രനെതിരെ വാട്സ് ആപ്പ് ശബ്ദ സന്ദേശത്തിലൂടെ വധഭീഷണി മുഴക്കുകയും, അശ്ലീല പദപ്രയോഗം നടത്തുകയും ചെയ്ത സംഭവത്തില്‍ യുവാവിനെ പോലീസ് അറസ്റ്റ് ചെയ്തു. പത്തനംതിട്ട ജില്ലയിലെ അന്തിച്ചിറ മണക്കാല ഓംങ്കാരം വീട്ടില്‍ രതീഷിനെയാണ് തിരുവനന്തപുരം മ്യൂസിയം പോലീസ് അറസ്റ്റ് ചെയ്തത്. രണ്ട് വര്‍ഷം വരെ തടവും പിഴയും ശിക്ഷ കിട്ടാവുന്ന വകുപ്പുകള്‍ പ്രകാരമാണ് പോലീസ് കേസെടുത്തിരിക്കുന്നത്.