കോട്ടയം സ്വദേശി അർജുൻ, എറണാകുളം സ്വദേശി അഖിൽ എന്നിവരാണ് കഞ്ചാവ് കടത്തുന്നതിനിടെ പിടിയിലായത്. കഞ്ചാവുമായി മുണ്ടക്കയം ബസ്റ്റാന്റെിലെത്തിയ രണ്ടുപേരും എക്സൈസ് സംഘത്തെ കണ്ട് ഓടിരക്ഷപ്പടാൻ ശ്രമിക്കുകയായിരുന്നു.
കോട്ടയം: കോട്ടയം മുണ്ടക്കയത്ത് കഞ്ചാവ വേട്ട. നാല് കിലോ കഞ്ചാവുമായി രണ്ട് യുവാക്കൾ പിടിയില്‍. ഓണക്കാലത്തെ ലഹരിക്കടത്ത് നിയന്ത്രിക്കാൻ എക്സൈസ് നടത്തിയ റെയ്ഡിലാണ് നാല് കിലോ കഞ്ചാവുമായി രണ്ട് യുവാക്കൾ പിടിയിലായത്. കോട്ടയം സ്വദേശി അർജുൻ, എറണാകുളം സ്വദേശി അഖിൽ എന്നിവരാണ് കഞ്ചാവ് കടത്തുന്നതിനിടെ പിടിയിലായത്. കഞ്ചാവുമായി മുണ്ടക്കയം ബസ്റ്റാന്റെിലെത്തിയ രണ്ടുപേരും എക്സൈസ് സംഘത്തെ കണ്ട് ഓടിരക്ഷപ്പടാൻ ശ്രമിക്കുകയായിരുന്നു.
യുവാക്കൾ ഓടുന്നത് ശ്രദ്ധയിൽ പെട്ട എക്സൈസ് സംഘം കിലോമീറ്ററുകളോളം പിന്തുടർന്ന് കീഴ്പ്പെടുത്തുകയായിരുന്നു. ഇതിനിടെ പ്രതികൾ പൈങ്ങനയിൽ ആറ്റിൽ ചാടി രക്ഷപ്പെടാൻ ശ്രമിച്ചെങ്കിലും പരാജയപ്പെട്ടു. എക്സൈസ് ഇൻസ്പെക്ടർ കെഡി സതീശന്റെ നേതൃത്തിലുള്ള സംഘമാണ് പ്രതികളെ പിടികൂടിയത്. കോട്ടയം ജില്ലയിൽ അടുത്ത കാലത്തായുണ്ടായ വലിയ കഞ്ചാവ് കേസാണ് ഇതെന്ന് എക്സൈസ് സംഘം അറിയിച്ചു. ഒരാഴ്ചയ്ക്കിടെ കാഞ്ഞിരപ്പള്ളി താലൂക്കിൽ നടക്കുന്ന നാലാമത്തെ കഞ്ചാവ് വേട്ടയാണിത്.