യുക്തിരേഖ മാധ്യമ പുരസ്‌കാരം സിന്ധു സൂര്യകുമാറിന്

തിരുവനന്തപുരം: കേരളയുക്തിവാദ സംഘത്തിന്റെ യുക്തിരേഖ മാധ്യമപുരസ്‌കാരം ഏഷ്യനെറ്റ് ന്യൂസ് അസി.എക്‌സിക്യൂട്ടീവ് എഡിറ്റര്‍ സിന്ധു സൂര്യകുമാറിന് സമ്മാനിച്ചു. 

അഞ്ഞൂറിലേറെ എപ്പിസോഡുകള്‍ പിന്നിട്ട രാഷ്ട്രീയ വിശകലന പരിപാടിയായ കവര്‍ സ്‌റ്റോറിയുടെ അവതാരകയും പ്രോഡ്യൂസറും എന്ന നിലയില്‍ ധീരമായ മാധ്യമപ്രവര്‍ത്തനമാണ് സിന്ധു നടത്തിയതെന്ന് പുരസ്‌കാരസമിതി വിലയിരുത്തി. 

വര്‍ഗ്ഗീയ-അമിതാധികാര ശക്തികളെ പ്രതിരോധിച്ചു കൊണ്ട് മതനിരപേക്ഷ-ജനാധിപത്യബോധം പൊതുസമൂഹത്തില്‍ സൃഷ്ടിക്കാന്‍ കവര്‍ സ്‌റ്റോറിയിലൂടെ സിന്ധു നടത്തിയ ശ്രമങ്ങളെ യുക്തിവാദി സംഘം പുരസ്‌കാരദാനചടങ്ങില്‍ അനുമോദിച്ചു.