തുടര്‍ച്ചയായി അഞ്ച് ഒളിമ്പിക്സുകളില്‍ സ്വര്‍ണം‍!

തുടര്‍ച്ചയായി അഞ്ച് ഒളിമ്പിക്സുകളില്‍ സ്വര്‍ണം‍!

ഒളിമ്പിക്സ് മെഡല്‍ ഒരിക്കലെങ്കിലും സ്വന്തമാക്കുകയെന്നത് അഭിമാനനേട്ടമാണ്. അപ്പോള്‍ തുടര്‍ച്ചയായി അഞ്ച് ഒളിമ്പിക്സുകളില്‍ മെഡല്‍ നേടിയാലോ? അതും സ്വര്‍ണ മെഡല്‍. അത്തരമൊരു നേട്ടം സ്വന്തമാക്കിയാണ് ബ്രിട്ടന്റെ റോവിംഗ് താരം സ്റ്റീവ് റെഡ്ഗ്രേവ് ഒളിമ്പിക്സ് ചരിത്രത്തില്‍ തിളങ്ങുന്നത്.

തുടര്‍ച്ചയായി അഞ്ച് ഒളിമ്പിക്സുകളില്‍ സ്വര്‍ണം നേടിയ ആദ്യത്തെ താരമാണ് സ്റ്റീവ് റെഡ്‌ഗ്രേവ്. 1984, 1988, 1992, 1996, 2000 എന്നീ വര്‍ഷങ്ങളില്‍ നടന്ന ഒളിമ്പിക്സിലാണ് സ്റ്റീവന്‍ റെഡ്ഗ്രേവ് സ്വര്‍ണ മെഡല്‍ സ്വന്തമാക്കിയത്.

സ്റ്റീവ് റെഡ്‌ഗ്രേവ് 1988 ഒളിമ്പിക്സില്‍ വെങ്കല മെഡലും സ്വന്തമാക്കിയിട്ടുണ്ട്.