ടോക്കിയോ ഒളിംപിക്സ്: വോളിബോളില് യോഗ്യത കാത്ത് ഇന്ത്യന് ടീം
Synopsis
പൂള് ബിയിൽ ഓസ്ട്രേലിയ, ദക്ഷിണകൊറിയ, ഖത്തര് ടീമുകള്ക്കൊപ്പമാണ് ഇന്ത്യ
ജിയാങ്മെന്: ടോക്കിയോ ഒളിംപിക്സിനുള്ള വോളിബോള് യോഗ്യതാ മത്സരങ്ങള്ക്ക് ഇന്ന് തുടക്കം. ഏഷ്യ, ഓഷ്യാനിയ യോഗ്യതാ മത്സരങ്ങള് ചൈനയിലെ ജിയാങ്മെന്നിലാണ് നടക്കുന്നത്. പൂള് ബിയിൽ ഓസ്ട്രേലിയ, ദക്ഷിണകൊറിയ, ഖത്തര് ടീമുകള്ക്കൊപ്പമാണ് ഇന്ത്യ. ഇന്ത്യ ഇന്ന് ഖത്തറിനെ നേരിടും.
ലോക റാങ്കിംഗില് 131-ാം സ്ഥാനത്തുളള ഇന്ത്യക്ക് മുന്നേറ്റം എളുപ്പമാകില്ല. ലോക റാങ്കിംഗില് ഓസ്ട്രേലിയ പതിനഞ്ചാമതും കൊറിയ 24-ാമതും ഖത്തര് 33-ാം സ്ഥാനത്തുമാണ്. ഏഷ്യന് വോളി ചാമ്പ്യന്ഷിപ്പ് ഗ്രൂപ്പ് ഘട്ടത്തില് രണ്ടാം സ്ഥാനക്കാരായാണ് ഇന്ത്യ യോഗ്യത നേടിയത്. ടൂര്ണമെന്റില് വിജയിക്കുന്ന ടീം മാത്രമേ ഒളിംപിക്സിന് യോഗ്യത നേടൂ.