ചൈന ഓപ്പൺ: ലോക ജേതാവിന്‍റെ കുതിപ്പ് തുടര്‍ന്ന് സിന്ധു രണ്ടാം റൗണ്ടില്‍

മുപ്പത്തിനാല് മിനുറ്റ് നീണ്ട പോരാട്ടത്തില്‍ മുൻ ഒളിമ്പിക് സ്വർണമെഡൽ ജേതാവ് ചൈനയുടെ ലീ ഷുറൂയിയെ ആണ് സിന്ധു തോൽപ്പിച്ചത്

ചൈന ഓപ്പൺ ബാഡ്‌മിന്‍റണിൽ ഇന്ത്യയുടെ പി.വി സിന്ധു രണ്ടാം റൗണ്ടിൽ. മുപ്പത്തിനാല് മിനുറ്റ് നീണ്ട പോരാട്ടത്തില്‍ മുൻ ഒളിമ്പിക് സ്വർണമെഡൽ ജേതാവ് ചൈനയുടെ ലീ ഷുറൂയിയെ ആണ് സിന്ധു തോൽപ്പിച്ചത്. സ്‌കോർ: 21-18, 21-12.

ഇന്ത്യൻ താരം സൈന നെഹ്‍വാൾ ആദ്യ റൗണ്ടിൽ പുറത്തായിരുന്നു .തായ്‍ലൻഡിന്‍റെ ഓങ്ബാം റുങ്ഫാനാണ് സൈനയെ തോൽപ്പിച്ചത്. സ്‌കോര്‍: 21-10, 21-17. തുടർച്ചയായി രണ്ടാം തവണയാണ് തായ്‍ലന്റ് താരത്തോട് സൈന പരാജയപ്പെടുന്നത്. 

മിക്‌സഡ് ഡബിൾസിൽ സാത്വിക് സായ് രാജ്, അശ്വനി പൊന്നപ്പ സഖ്യം ഇന്തോനേഷ്യൻ ജോഡിയെ തോൽപ്പിച്ചു.