ഹൊബാർട്ട് ഇന്റർനാഷണൽ: സാനിയ മിര്‍സ സഖ്യം സെമിയില്‍

ക്വാര്‍ട്ടറില്‍ കിംഗ്- മക്‌ഹേല്‍ സഖ്യത്തെയാണ് സാനിയ സഖ്യം തോല്‍പിച്ചത്

ഹൊബാർട്ട്: രണ്ട് വര്‍ഷത്തെ ഇടവേളയ്‌ക്ക് ശേഷം ടെന്നീസില്‍ തിരിച്ചെത്തിയ സാനിയ മിര്‍സ കുതിപ്പ് തുടരുന്നു. ഹൊബാർട്ട് ഇന്റർനാഷണൽ വനിതാ ഡബിൾസിൽ സാനിയ- കിചെനോക് സഖ്യം സെമിയിലെത്തി. ക്വാര്‍ട്ടറില്‍ കിംഗ്- മക്‌ഹേല്‍ സഖ്യത്തെയാണ് സാനിയ- കിചെനോക് ജോഡി തോല്‍പിച്ചത്. സ്‌കോര്‍: 6-2, 4-6, 10-4. 

ടൂര്‍ണമെന്‍റിലെ ആദ്യ മത്സരത്തില്‍ കാറ്റോ-കലാഷ്നിക്കോവ കൂട്ടുകെട്ടിനെ തോൽപ്പിച്ച് സാനിയ സഖ്യം മടങ്ങിവരവ് ഗംഭീരമാക്കിയിരുന്നു. സ്‌കോർ: 2-6, 7-6, 10-3. ചൈന ഓപ്പണില്‍ 2017 ഒക്‌ടോബറിൽ സാനിയ ഇതിനുമുന്‍പ് കളിച്ചത്.