മലേഷ്യ മാസ്റ്റേഴ്സ്: സൈന നെഹ്വാള് ക്വാര്ട്ടറില്
Published : Jan 09, 2020, 01:11 PM IST
Synopsis
രണ്ടാം റൗണ്ടില് മുപ്പത്തിയെട്ട് മിനുറ്റ് നീണ്ട പോരാട്ടത്തില് കൊറിയന് താരം ആൻ സേ യംഗിനെ 25-23, 21-12 എന്ന സ്കോറില് തോല്പിച്ചാണ് സൈനയുടെ മുന്നേറ്റം
ക്വലാലംപൂര്: ഇന്ത്യന് താരം സൈന നെഹ്വാള് മലേഷ്യ മാസ്റ്റേഴ്സ് ബാഡ്മിന്റണിന്റെ ക്വാര്ട്ടര് ഫൈനലില്. രണ്ടാം റൗണ്ടില് മുപ്പത്തിയെട്ട് മിനുറ്റ് നീണ്ട പോരാട്ടത്തില് കൊറിയന് താരം ആൻ സേ യംഗിനെ 25-23, 21-12 എന്ന സ്കോറില് തോല്പിച്ചാണ് സൈനയുടെ മുന്നേറ്റം. യംഗിനെതിരെ സൈനയുടെ ആദ്യ ജയമാണിത്.
മൂന്നാം റൗണ്ട് ലക്ഷ്യമിട്ട് പി വി സിന്ധുവും ഇന്നിറങ്ങും. ജാപ്പനീസ് താരം അയ ഒഹോറിയാണ് സിന്ധുവിന്റെ എതിരാളി. ജപ്പാൻ താരത്തിനെതിരെ ഇതുവരെ ഏറ്റുമുട്ടിയ എട്ട് കളികളിലും സിന്ധുവിനായിരുന്നു ജയം.