ഇന്ത്യന്‍ ഗ്രാന്‍പ്രി അത്‌ലറ്റിക്‌സില്‍ മലയാളിതാരം വി കെ വിസ്മയക്ക് അട്ടിമറി വിജയം. വനിതകളുടെ 400 മീറ്ററില്‍ വിസ്മയ ലോക ജൂനിയര്‍ ചാംപ്യന്‍ ഹിമ ദാസിനെയും ഒളിംപ്യന്‍ എം ആര്‍ പൂവമ്മയെയും പിന്നിലാക്കി സ്വര്‍ണം നേടി.
അമൃത്‌സര്‍: ഇന്ത്യന്‍ ഗ്രാന്‍പ്രി അത്‌ലറ്റിക്‌സില്‍ മലയാളിതാരം വി കെ വിസ്മയക്ക് അട്ടിമറി വിജയം. വനിതകളുടെ 400 മീറ്ററില്‍ വിസ്മയ ലോക ജൂനിയര്‍ ചാംപ്യന്‍ ഹിമ ദാസിനെയും ഒളിംപ്യന്‍ എം ആര്‍ പൂവമ്മയെയും പിന്നിലാക്കി സ്വര്‍ണം നേടി. ഏഷ്യന്‍ ഗെയിംസില്‍ സ്വര്‍ണം നേടിയ റിലേ ടീമംഗമായ വിസ്മയ 53.80 സെക്കന്‍ഡിലാണ് ഒന്നാം സ്ഥാനത്തെത്തിയത്. പുവമ്മ 54.06 സെക്കന്‍ഡിലും ഹിമദാസ് 55.19 സെക്കന്‍ഡിലുമാണ് ഫിനിഷ് ചെയ്തത്. പുരുഷന്‍മാരുടെ 400 മീറ്ററില്‍ ആരോക്യ രാജീവിനാണ് സ്വര്‍ണം. മലയാളിതാരം മുഹമ്മദ് അനസ് രണ്ടാം സ്ഥാനത്തെത്തി. ലോംഗ്ജംപില്‍ 7.74 മീറ്ററോടെ എം ശ്രീശങ്കര്‍ സ്വര്‍ണം നേടിപ്പോള്‍ 800 മീറ്ററില്‍ മുഹമ്മദ് അഫ്‌സലിനാണ് ഒന്നാംസ്ഥാനം.