സാമുദായിക വിദ്വേഷ പ്രചരണം; ബിജെപി എംഎൽഎ പ്രശാന്ത ഫുകാനെതിരെ തെരഞ്ഞെടുപ്പ് കമ്മീഷനിൽ പരാതി

ഫുകാനെതിരെ അടിയന്തര നിയമനടപടി വേണമെന്നാണ് കോൺ​ഗ്രസിന്റെ ആവശ്യം. ദിബ്രു​ഗഡിൽ നിന്നുള്ള ബിജെപി എംഎൽഎയാണ് പ്രശാന്ത ഫുകാൻ. 

അസം: സാമുദായിക സ്പർദ്ധ പ്രചരിപ്പിച്ചു എന്ന ആരോപണത്തെ തുടർന്ന് ബിജെപി എംഎൽഎ പ്രശാന്ത ഫുകാനെതിരെ കോൺ​ഗ്രസ് തെരഞ്ഞെടുപ്പ് കമ്മീഷനിൽ പരാതി നൽകി. അസമിലെ മുഖ്യ തെര‍ഞ്ഞെടുപ്പ് കമ്മീഷൻ നിതിൻ ഘാഡെയ്ക്കാണ് പരാതി നൽകിയത്. മാർച്ച് 20 ന് ചബുവയിൽ നടന്ന പൊതു യോ​ഗത്തിൽ പ്രശാന്ത ഫുകാൻ പ്രസം​ഗത്തിലൂടെ വർ​ഗീയ വിദ്വേഷം പ്രചരിപ്പിച്ചു എന്നാണ് കോൺ​ഗ്രസിന്റെ ആരോപണം. ഫുകാനെതിരെ അടിയന്തര നിയമനടപടി വേണമെന്നാണ് കോൺ​ഗ്രസിന്റെ ആവശ്യം. ദിബ്രു​ഗഡിൽ നിന്നുള്ള ബിജെപി എംഎൽഎയാണ് പ്രശാന്ത ഫുകാൻ. 

അസമിലെ 126 നിയമസഭാ മണ്ഡലങ്ങളിലേക്കുള്ള തെരഞ്ഞെടുപ്പ് മൂന്നു ഘട്ടങ്ങളിലായാണ് നടക്കുന്നത്. മാര്‍ച്ച് 27-ന് നടക്കുന്ന ആദ്യഘട്ട വോട്ടെടുപ്പിൽ 47 മണ്ഡലങ്ങളിലെ വോട്ടര്‍മാര്‍ തങ്ങളുടെ വോട്ടവകാശം വിനിയോഗിക്കും. ഏപ്രിൽ ഒന്നിനും ആറിനുമാണ് രണ്ടും മൂന്നു ഘട്ട വോട്ടെടുപ്പ് നടക്കുക. രണ്ടാം ഘട്ടത്തിൽ 39 മണ്ഡലങ്ങളിലെയും മൂന്നാം ഘട്ടത്തിൽ 40 മണ്ഡലങ്ങളിലെയും വോട്ടര്‍മാര്‍ വിധിയെഴുതും. മെയ് 2-ന് മറ്റു സംസ്ഥാനങ്ങള്‍ക്കൊപ്പം വോട്ടെണ്ണലും ഫലപ്രഖ്യാപനവും നടക്കും.