രാജ്യത്ത് ഇതുവരെ റിപ്പോർട്ട് ചെയ്ത ആകെ കൊവിഡ് കേസുകളുടെ എണ്ണം 4,56,562 ആയി ഉയർന്നു. ഇതിൽ 4,39,459 പേർ രോഗമുക്തരായി. ചികിത്സയിൽ കഴിയുന്നവരുടെ എണ്ണം 9,663 ആയി കുറഞ്ഞു.
റിയാദ്: സൗദി അറേബ്യക്ക് ആശ്വാസം പകർന്ന് കൊവിഡ് മുക്തരുടെ എണ്ണം ഉയരുന്നു. 24 മണിക്കൂറിനിടെ 1,253 പേരാണ് രോഗബാധയിൽ നിന്ന് സുഖം പ്രാപിച്ചത്. അതേസമയം 1,144 പേർക്കാണ് പുതുതായി രോഗം സ്ഥിരീകരിച്ചത്. രാജ്യത്ത് വിവിധ ഭാഗങ്ങളിലായി ഇന്നും 16 മരണങ്ങൾ റിപ്പോർട്ട് ചെയതു.
രാജ്യത്ത് ഇതുവരെ റിപ്പോർട്ട് ചെയ്ത ആകെ കൊവിഡ് കേസുകളുടെ എണ്ണം 4,56,562 ആയി ഉയർന്നു. ഇതിൽ 4,39,459 പേർ രോഗമുക്തരായി. ചികിത്സയിൽ കഴിയുന്നവരുടെ എണ്ണം 9,663 ആയി കുറഞ്ഞു. ഇവരിൽ 1,539 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 96.2 ശതമാനവും മരണനിരക്ക് 1.6 ശതമാനവുമായി തുടരുന്നു.
രാജ്യത്തെ വിവിധ മേഖലകളിൽ റിപ്പോർട്ട് ചെയ്ത പുതിയ രോഗികളുടെ എണ്ണം: മക്ക 374, റിയാദ് 271, കിഴക്കൻ പ്രവിശ്യ 147, അസീർ 92, മദീന 71, ജീസാൻ 63, അൽഖസീം 44, തബൂക്ക് 23, അൽബാഹ 17, നജ്റാൻ 15, ഹായിൽ 15, വടക്കൻ അതിർത്തിമേഖല 10, അൽജൗഫ് 2. രാജ്യത്ത് ഇതുവരെ 14,740,631 ഡോസ് കൊവിഡ് വാക്സിൻ കുത്തിവെപ്പ് നടത്തി.