സൗദിയിൽ 130 പേർക്ക് കോവിഡ്, ഒരു മരണം

Saudi Arabia സൗദി അറേബ്യയിൽ പുതുതായി 130 പേർക്ക് കൂടി കൊവിഡ് സ്ഥിരീകരിച്ചു. 24 മണിക്കൂറിനിടെ ഒരു മരണവും റിപ്പോർട്ട് ചെയ്തു

റിയാദ്: സൗദി അറേബ്യയിൽ പുതുതായി 130 പേർക്ക് കൂടി കൊവിഡ് സ്ഥിരീകരിച്ചു. 24 മണിക്കൂറിനിടെ ഒരു മരണവും റിപ്പോർട്ട് ചെയ്തു. നിലവിലെ രോഗബാധിതരിൽ 241 പേർ സുഖം പ്രാപിച്ചു. രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 7,53,124 ആയി. 

ആകെ രോഗമുക്തരുടെ എണ്ണം 7,40,008 ആയി ഉയർന്നു. ആകെ മരണസംഖ്യ 9,075 ആയി തുടരുന്നു. രോഗബാധിതരിൽ 4,041 പേരാണ് ചികിത്സയിൽ കഴിയുന്നത്. ഇതിൽ 59 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. 24 മണിക്കൂറിനിടെ 13,237 ആർ.ടി-പി.സി.ആർ പരിശോധനകൾ നടത്തി. 

ജിദ്ദ 30, റിയാദ് 28, മദീന 17, മക്ക 13, ത്വാഇഫ് 8, ദമ്മാം 8, ജിസാൻ 5, അബഹ 3, ഹുഫൂഫ് 3, മറ്റ് വിവിധയിടങ്ങളിൽ ഒന്ന് വീതം എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കോവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 63,984,365 ഡോസ് വാക്സിൻ കുത്തിവെച്ചു. ഇതിൽ 26,390,072 ആദ്യ ഡോസും 24,722,054 രണ്ടാം ഡോസും 12,872,239 ബൂസ്റ്റർ ഡോസുമാണ്.