സൗദി അറേബ്യയിൽ ഇന്ന് 335 പേർക്ക് കൂടി കൊവിഡ്; നാല് മരണം

രാജ്യത്തെ ആകെ കൊവിഡ് മരണസംഖ്യ 6470 ആയി. 2463 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 486 പേരുടെ നില ഗുരുതരമാണ്. 

റിയാദ്: സൗദി അറേബ്യയിൽ ഇന്ന് 335 പേർക്ക് കൂടി കൊവിഡ് വൈറസ് ബാധ സ്ഥിരീകരിച്ചു. രോഗബാധിതരിൽ 323 പേർ സുഖം പ്രാപിച്ചു. രാജ്യത്ത് വിവിധ ഭാഗങ്ങളിൽ ചികിത്സയിൽ  കഴിയുന്നവരിൽ നാലു പേർ മരിച്ചു. ഇതുവരെ രോഗം സ്ഥിരീകരിച്ചവരുടെ ആകെ എണ്ണം 375668 ആയി. ഇതിൽ 366735 പേർ സുഖം പ്രാപിച്ചു. 

രാജ്യത്തെ ആകെ കൊവിഡ് മരണസംഖ്യ 6470 ആയി. 2463 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ കഴിയുന്നു. ഇവരിൽ 486 പേരുടെ നില ഗുരുതരമാണ്. ചികിത്സയിലുള്ള ബാക്കിയുള്ളവരുടെ  ആരോഗ്യനില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 97.6 ശതമാനവും മരണനിരക്ക് 1.7 ശതമാനവുമാണ്. 

കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കൊവിഡ് കേസുകൾ: റിയാദ് 163, കിഴക്കൻ പ്രവിശ്യ 63, മക്ക 52, അൽഖസീം 15, അസീർ 10, നജ്‌റാൻ 8, അൽജൗഫ് 6, മദീന 5, ഹാഇൽ 4,  ജീസാൻ 3, വടക്കൻ അതിർത്തി മേഖല 2, അൽബാഹ 2, തബൂക്ക് 2.