സൗദി അറേബ്യയിൽ 673 പേർക്ക് കൂടി കൊവിഡ് സ്ഥിരീകരിച്ചു; ഇന്ന് ഏഴ് മരണം

വിവിധ ആശുപത്രികളിലും മറ്റുമായി 6169 പേരാണ് ചികിത്സയിലുള്ളത്. ഇവരിൽ 782 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. 

റിയാദ്: സൗദി അറേബ്യയിൽ പുതിയതായി 673 പേർക്ക് കൂടി കൊവിഡ് വൈറസ് ബാധ സ്ഥിരീകരിച്ചു. 504 പേർ രോഗമുക്തി നേടി. രാജ്യത്ത് വിവിധ ഭാഗങ്ങളിലായി ഏഴ് പേർ മരിച്ചു. രാജ്യത്ത് ആകെ രോഗം സ്ഥിരീകരിച്ചവരുടെ എണ്ണം 3,92,682 ആയി. ഇവരിൽ 3,79,816 പേർക്ക് രോഗം ഭേദമായി. ആകെ മരണസംഖ്യ 6,690 ആയി.  

വിവിധ ആശുപത്രികളിലും മറ്റുമായി 6169 പേരാണ് ചികിത്സയിലുള്ളത്. ഇവരിൽ 782 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 96.8 ശതമാനവും മരണനിരക്ക് 1.7 ശതമാനവുമായി തുടരുന്നു. റിയാദ് പ്രവിശ്യയിലാണ് രോഗികളുടെ എണ്ണം ക്രമാതീതമായി വർധിക്കുന്നത്. 

വിവിധ മേഖലകളിൽ റിപ്പോർട്ട് ചെയ്ത പുതിയ കൊവിഡ് കേസുകൾ: റിയാദ് 319, മക്ക 127, കിഴക്കൻ പ്രവിശ്യ 96, മദീന 26, ഹായിൽ 19, അസീർ 19, അൽഖസീം 19, തബൂക്ക് 12, ജിസാൻ 11, വടക്കൻ അതിർത്തി മേഖല 9, അൽജൗഫ് 7, നജ്റാൻ 5, അൽബാഹ 4.