കൊവിഡ് നിയമലംഘനം; ഖത്തറില് 91 പേര്ക്കെതിരെ കൂടി നടപടി
Synopsis
രാജ്യത്ത് പുറത്തിറങ്ങുമ്പോള് മാസ്ക് ധരിക്കണമെന്നത് നിര്ബന്ധമാണ്. കൊവിഡ് പ്രതിരോധ നടപടികളുടെ ഭാഗമായി കാറില് ഒരു കുടുംബത്തില് നിന്നുള്ളവരൊഴികെ നാലുപേരില് കൂടുതല് യാത്ര ചെയ്യരുതെന്നും നിര്ദ്ദേശമുണ്ട്.
ദോഹ: ഖത്തറില് കൊവിഡ് നിയന്ത്രണങ്ങള് ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കി. നിയമം ലംഘിച്ച 91 പേര് കൂടി പിടിയിലായതായി അധികൃതര് അറിയിച്ചു. ഇവരില് 78 പേരും പൊതുസ്ഥലങ്ങളില് മാസ്ക് ധരിക്കാത്തതിനാണ് നടപടി നേരിട്ടത്.
സുരക്ഷിതമായ സാമൂഹിക അകലം പാലിക്കാത്തതിന് ഏഴുപേരെ പരിശോധനകളില് പിടികൂടി. മൊബൈലില് ഇഹ്തിറാസ് ആപ്ലിക്കേഷന് ഇല്ലാത്തതിന് ഒരാളെയും വാഹനത്തില് അനുവദനീയമായതിലും കൂടുതല് ആളുകളെ കയറ്റി സഞ്ചരിച്ചതിന് അഞ്ചുപേരെയും പിടികൂടി. എല്ലാവരെയും തുടര്നടപടികള്ക്കായി പ്രോസിക്യൂഷന് കൈമാറി. കൊവിഡ് നിയന്ത്രണങ്ങള് ലംഘിച്ചതിന് ഖത്തറില് ഇതുവരെ ആയിരക്കണക്കിന് പേരെ ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയിട്ടുണ്ട്.
രാജ്യത്ത് പുറത്തിറങ്ങുമ്പോള് മാസ്ക് ധരിക്കണമെന്നത് നിര്ബന്ധമാണ്. കൊവിഡ് പ്രതിരോധ നടപടികളുടെ ഭാഗമായി കാറില് ഒരു കുടുംബത്തില് നിന്നുള്ളവരൊഴികെ നാലുപേരില് കൂടുതല് യാത്ര ചെയ്യരുതെന്നും നിര്ദ്ദേശമുണ്ട്. മാസ്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17-ാം നമ്പര് ഉത്തരവ് പ്രകാരമാണ് നടപടിയെടുക്കുക.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam