'ഗ്രീന് ലിസ്റ്റ്' പരിഷ്കരിച്ച് അബുദാബി; ഖത്തറും ബ്രിട്ടനും ഉള്പ്പെടെ അഞ്ച് രാജ്യങ്ങളെ ഒഴിവാക്കി
Synopsis
ബ്രിട്ടനും ഖത്തറും ഉള്പ്പെടെ അഞ്ച് രാജ്യങ്ങളെ ഒഴിവാക്കിയും നാല് രാജ്യങ്ങളെ ഉള്പ്പെടുത്തിയും പുതിയ ഗ്രീന് ലിസ്റ്റ് പുറത്തിറക്കി അബുദാബി
അബുദാബി: അബുദാബിയില് ക്വാറന്റീന് ആവശ്യമില്ലാതെ (Quarantine exemption) പ്രവേശനം അനുവദിക്കുന്ന ഗ്രീന് രാജ്യങ്ങളുടെ (Green list) പട്ടിക വീണ്ടും പുതുക്കി. നേരത്തെയുണ്ടായിരുന്ന പട്ടികയില് നിന്ന് ബ്രിട്ടനും ഖത്തറും ഉള്പ്പെടെ അഞ്ച് രാജ്യങ്ങളെ ഒഴിവാക്കിയും നാല് രാജ്യങ്ങളെ ഉള്പ്പെടുത്തിയുമാണ് പുതിയ പട്ടിക പുറത്തിറക്കിയത്. ഗ്രീന് ലിസ്റ്റില് ഉള്പ്പെട്ട രാജ്യങ്ങളില് നിന്നെത്തുന്ന എല്ലാ യാത്രക്കാരെയും അബുദാബിയില് നിര്ബന്ധിത ക്വാറന്റീനില് നിന്ന് ഒഴിവാക്കിയിട്ടുണ്ട്.
യാത്രക്കാര് യാത്ര പുറപ്പെടുന്നതിന് 48 മണിക്കൂറിനുള്ളിലെടുത്ത കൊവിഡ് നെഗറ്റീവ് ഫലം ഹാജരാക്കണം. അബുദാബി അന്താരാഷ്ട്ര വിമാനത്താവളത്തിലെത്തുമ്പോള് പിസിആര് പരിശോധനയ്ക്ക് വിധേയരാകുകയും വേണം. ഗ്രീന് ലിസ്റ്റില് ഉള്പ്പെട്ട രാജ്യങ്ങളില് നിന്നെത്തുന്ന വാക്സിന് സ്വീകരിച്ച യാത്രക്കാര് അബുദാബിയിലെത്തി ആറാം ദിവസം പിസിആര് പരിശോധന നടത്തണം. വാക്സിനെടുക്കാത്തവരാണെങ്കില് ആറാം ദിവസും ഒന്പതാം ദിവസവും പി.സി.ആര് പരിശോധന നടത്തണം.
പുതിയ പട്ടിക ജനുവരി മൂന്നിന് പ്രാബല്യത്തില് വരും. തുര്ക്കി, ജോര്ദാന്, ഖത്തര്, റഷ്യ, ലെബനാന്, യു.കെ എന്നീ രാജ്യങ്ങളെയാണ് പുതിയ പട്ടികയില് ഒഴിവാക്കിയത്. അതേസമയം അള്ജീരിയ, മൊറോക്കോ, സീഷെല്സ്, തുനീഷ്യ എന്നിവയെ ഉള്പ്പെടുത്തുകയും ചെയ്തു. നിലവില് 71 രാജ്യങ്ങളാണ് അബുദാബി സാംസ്കാരിക - ടൂറിസം വകുപ്പ് പുറത്തിറക്കിയ ഗ്രീന് ലിസ്റ്റിലുള്ളത്.
അല്ബേനിയ, അള്ജീരിയ, അര്മേനിയ, ഓസ്ട്രേലിയ, ഓസ്ട്രിയ, അസര്ബൈജാന്, ബഹ്റൈന്, ബെലാറുസ്, ബെല്ജിയം, ബോസ്നിയ ആന്ഡ് ഹെര്സെഗോവിന, ബ്രസീല്, ബള്ഗേറിയ, ബര്മ, കംബോഡിയ, കാനഡ, ചൈന, ക്രൊയേഷ്യ, സൈപ്രസ്, ചെക്ക് റിപ്പബ്ലിക്, ഡെന്മാര്ക്ക്, ഫിന്ലാന്റ്, ഫ്രാന്സ്, ജോര്ജിയ, ജര്മ്മനി, ഗ്രീസ്, ഹോങ്കോങ്, ഹംഗറി, ഇന്തോനേഷ്യ, ഇസ്രയേല്, ഇറാന്, ഇറാഖ്, ഇറ്റലി, ജപ്പാന്, ജോര്ദാന്, കസാഖിസ്ഥാന്, കുവൈത്ത്, കിര്ഗിസ്ഥാന്, ലാവോസ്, ലാത്വിയ, ലക്സംബര്ഗ്, മാല്ദീവ്സ്, മലേഷ്യ, നെതര്ലന്ഡ്, മൊറോക്കോ, നോര്വെ, ഒമാന്, പാപ്വ ന്യൂ ഗിനിയ, ഫിലിപ്പീന്സ്, പോളണ്ട്, പോര്ച്ചുഗല്, അയര്ലാന്ഡ്, റൊമാനിയ, സൗദി അറേബ്യ, സെര്ബിയ, സിംഗപ്പൂര്, സ്ലൊവാക്യ, സ്ലൊവേനിയ, സൗത്ത് കൊറിയ, സ്പെയിന്, സ്വീഡന്, സ്വിറ്റ്സര്ലാന്ഡ്, സിറിയ, സീഷെല്സ്, തായ്വാന്, താജികിസ്ഥാന്, തായ്ലന്റ്, തുനീഷ്യ, യെമന്, തുര്ക്മെനിസ്ഥാന്, ഉക്രൈന്, യുഎസ്എ എന്നീ രാജ്യങ്ങളാണ് നിലവില് ഗ്രീന് ലിസ്റ്റില് ഉള്പ്പെട്ടിട്ടുള്ളത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam