1550 രൂപ മുതല് വിമാന ടിക്കറ്റ്, വമ്പൻ ഓഫർ, 20 ശതമാനം വരെ കിഴിവുമായി എയര് ഇന്ത്യ എക്സ്പ്രസിൽ സെയിലിന് തുടക്കം
Synopsis
20 ശതമാനം വരെ കിഴിവുമായി എയര് ഇന്ത്യ എക്സ്പ്രസിൽ എക്സ്പ്രസ് മോര് സെയിലിന് തുടക്കം. ആഭ്യന്തര, അന്താരാഷ്ട്ര യാത്രകളില് 20 ശതമാനം വരെ കിഴിവാണ് സെയിലിൽ ലഭിക്കുക. ഫെബ്രുവരി അഞ്ച് വരെ ബുക്ക് ചെയ്യുന്ന ടിക്കറ്റുകളാണ് ഓഫര് നിരക്കില് ലഭിക്കുക.
കൊച്ചി: ആഭ്യന്തര, അന്താരാഷ്ട്ര യാത്രകളില് 20 ശതമാനം വരെ കിഴിവുമായി എയര് ഇന്ത്യ എക്സ്പ്രസില് എക്സ്പ്രസ് മോര് സെയില് ആരംഭിച്ചു. ഓഫറിന്റെ ഭാഗമായി 1550 രൂപ മുതല് ആരംഭിക്കുന്ന ആഭ്യന്തര വിമാന ടിക്കറ്റും 6510 രൂപ മുതലുള്ള അന്താരാഷ്ട്ര വിമാന ടിക്കറ്റുകളും ലഭിക്കും. ഫെബ്രുവരി 11 മുതല് ഡിസംബര് 31 വരെയുള്ള യാത്രകള്ക്കായി ഫെബ്രുവരി അഞ്ച് വരെ ബുക്ക് ചെയ്യുന്ന ടിക്കറ്റുകളാണ് ഓഫര് നിരക്കില് ലഭിക്കുക.
15 കിലോ ചെക്ക് ഇന് ബാഗേജിന് 1500 രൂപ
ഓഫര് കാലയളവില് എയര് ഇന്ത്യ എക്സ്പ്രസ് വെബ്സൈറ്റിലൂടെയും മൊബൈല് ആപ്പിലൂടെയും ബുക്ക് ചെയ്യുന്ന ടിക്കറ്റുകള്ക്ക് കണ്വീനിയന്സ് ഫീ ഈടാക്കില്ല. കൂടാതെ ഒരുതവണ സൗജന്യമായി യാത്രാ തീയതി മാറ്റാനും സാധിക്കും. എക്സ്പ്രസ് ലൈറ്റ് നിരക്കുകളില് യാത്ര ചെയ്യുന്നവര്ക്ക് സൗജന്യ ക്യാബിന് ബാഗേജിന് പുറമെ അധിക ചെക്ക് ഇന് ലഗേജ് ഉണ്ടെങ്കില് ആഭ്യന്തര യാത്രകളില് 15 കിലോ ചെക്ക് ഇന് ബാഗേജിന് 1500 രൂപയും അന്താരാഷ്ട്ര വിമാനങ്ങളില് 20 കിലോയ്ക്ക് 2500 രൂപയും മാത്രം നല്കിയാല് മതി. എയര് ഇന്ത്യ എക്സ്പ്രസിന് ഇന്ത്യയില് 45 സ്ഥലങ്ങളിലേക്കും ഗള്ഫ് ഉള്പ്പടെ 17 അന്താരാഷ്ട്ര സ്ഥലങ്ങളിലേക്കുമായി പ്രതിദിനം 500ലധികം വിമാന സര്വീസുകളുണ്ട്.
ശനിയാഴ്ച ഹൈദരാബാദില് പൂര്ത്തിയായ വിംഗ്സ് ഇന്ത്യ ഏവിയേഷന് ഫെസ്റ്റിവലില് കേന്ദ്ര വ്യോമയാന മന്ത്രാലയം എയര് ഇന്ത്യ എക്സ്പ്രസിനെ മികച്ച ആഭ്യന്തര കണക്ടിവിറ്റിയുള്ള വിമാന കമ്പനിയായി തിരഞ്ഞെടുത്തു. സമയ നിഷ്ഠ, മികച്ച യാത്രാനുഭവം, കൂടുതല് കണക്ടിവിറ്റി, മെച്ചപ്പെട്ട സേവനങ്ങള്, ഡിജിറ്റല് സാങ്കേതിക വിദ്യകളുടെ ഉപയോഗം, നവീകരണം തുടങ്ങിയ മേഖലകളിലെ മികവ് പരിഗണിച്ചായിരുന്നു അവാര്ഡ്. ഓഫര് കാലയളവില് വെബ്സൈറ്റിലൂടെ ടിക്കറ്റെടുക്കുന്ന ന്യൂപാസ് അംഗങ്ങള്ക്ക് ബിസ് ക്ലാസ് നിരക്കില് 25 ശതമാനം കിഴിവ് ലഭിക്കും. ബിസിനസ് ക്ലാസിന് തത്തുല്യമായ ബിസ് വിഭാഗത്തില് 58 ഇഞ്ച് വരെ അകലത്തിലാണ് സീറ്റുകള് ഉള്ളത്. എയര് ഇന്ത്യ എക്സ്പ്രസിന്റെ ഫ്ളീറ്റിലേക്ക് അടുത്തിടെ ഉള്പ്പെടുത്തിയ 40ലധികം പുതിയ ബോയിംഗ് 737-8 വിമാനങ്ങളിലും ബിസ് സീറ്റുകളുണ്ട്.
വെബ്സൈറ്റിലൂടെയോ മൊബൈല് ആപ്പിലൂടെയോ ടിക്കറ്റെടുക്കുന്ന വിദ്യാര്ഥികള്, മുതിര്ന്ന പൗരര്, സായുധ സേനാംഗങ്ങള്, അവരുടെ ആശ്രിതര് എന്നിവര്ക്ക് പ്രത്യേക കിഴിവ് ലഭിക്കും. തിരഞ്ഞെടുത്ത വിസ ഡെബിറ്റ്, ക്രെഡിറ്റ് കാര്ഡുകള് ഉപയോഗിക്കുന്നവര്ക്ക് ആഭ്യന്തര, അന്ത്രാരാഷ്ട്ര യാത്രകളില് യഥാക്രമം 250, 600 രൂപയുടെ കഴിവും ലഭിക്കും. കൂടാതെ ഇഎംഐ, പേ ലേറ്റര് പോലുള്ള സൗകര്യങ്ങളും വെബ്സൈറ്റിലുണ്ട്
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam