ഇതെന്ത് ഓഫര്! 200 രൂപയില് താഴെ വിമാന ടിക്കറ്റോ? പുതിയ ഓഫര്, മുന്കൂട്ടി പ്ലാന് ചെയ്താല് വമ്പൻ ലാഭം
Synopsis
അടിസ്ഥാന നിരക്കില് നികുതികളും അഡ്മിന് ഫീസും സര്ചാര്ജുകളും ഉള്പ്പെടുന്നില്ല.
ദുബൈ: മുന്കൂട്ടി യാത്ര പ്ലാന് ചെയ്യുന്നവര്ക്ക് വന് ഓഫറുമായി ഒരു എയര്ലൈന്. അടുത്ത വര്ഷം അവസാനം ദുബൈയില് നിന്ന് ഫിലിപ്പീന്സ് തലസ്ഥാനമായ മനിലയിലേക്ക് യാത്ര ചെയ്യാനൊരുങ്ങുകയാണോ എങ്കില് നിങ്ങള്ക്കിത് മികച്ച അവസരം.
മുന്കൂട്ടി പ്ലാന് ചെയ്താല് എട്ട് ദിര്ഹം (181 രൂപ) ചെലവില് ടിക്കറ്റ് ബുക്ക് ചെയ്യാം. ഫിലിപ്പീന്സ് ബജറ്റ് കാരിയറായ സെബു പസഫിക് ആണ് ഉത്സവ സീസണില് പുതിയ ഓഫര് നല്കുന്നത്. ഡിസംബറിലെ 12.12 സെയിലിന്റെ ഭാഗമായാണ് ദുബൈ-മനില വിമാനത്തില് എട്ട് ദിര്ഹം അടിസ്ഥാന നിരക്കില് ടിക്കറ്റ് കിട്ടുക. 2024 ഓഗസ്റ്റ് ഒന്ന് മുതല് നവംബര് 30 വരെ ഷെഡ്യൂള് ചെയ്യുന്ന യാത്രകള്ക്കാണ് നിരക്കിളവ്. അതേസമയം അടിസ്ഥാന നിരക്കില് നികുതികളും അഡ്മിന് ഫീസും സര്ചാര്ജുകളും ഉള്പ്പെടുന്നില്ല. ഇളവ് നിരക്കുകള് പരിമിതവും റീഫണ്ട് ചെയ്യാനാകാത്തതുമാണ്.
Read Also - പ്രവാസികള്ക്ക് ആശങ്ക; കുതിച്ചുയര്ന്ന് വിമാന ടിക്കറ്റ് നിരക്ക്, അവധിക്കാലം ലക്ഷ്യമിട്ട് 'ആകാശക്കൊള്ള'
നേരിട്ടുള്ള വിമാന സർവീസുകൾ പുനരാരംഭിച്ചേക്കും; സൗദിയും ഇറാനും തമ്മിൽ ചർച്ചകൾ തുടങ്ങി
റിയാദ്: സൗദി അറേബ്യയും ഇറാനും തമ്മിൽ നേരിട്ടുള്ള വിമാന സർവിസുകൾ പുനരാരംഭിക്കുന്നതിനുള്ള ചർച്ചകൾ ആരംഭിച്ചു. റിയാദിനും തെഹ്റാനിനുമിടയിൽ സർവിസ് തുടങ്ങുന്നത് സംബന്ധിച്ച് ഇരു രാജ്യങ്ങൾക്കുമിടയിൽ ചർച്ച പുരോഗമിക്കുന്നതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. സൗദി അറേബ്യയും ഇറാനും തമ്മിൽ നയതന്ത്ര ബന്ധം പുനഃസ്ഥാപിച്ച പശ്ചാതലത്തിൽ കൂടുതൽ മേഖലകളിൽ ബന്ധം സുദൃഢമാക്കുന്നതിനുള്ള ഒരുക്കത്തിലാണ് ഇരു രാജ്യങ്ങളും.
ഇരു രാജ്യങ്ങൾക്കുമിടയിൽ നേരിട്ടുള്ള വിമാന സർവിസുകൾ പുനരാരംഭിക്കുന്നത് സംബന്ധിച്ച് ചർച്ചകൾ നടന്നതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. റിയാദിനും തെഹ്റാനും ഇടയിൽ സർവിസ് ആരംഭിക്കുന്നത് സംബന്ധിച്ച് അടുത്തയാഴ്ച നടക്കുന്ന കൂടിക്കാഴ്ചയിൽ തീരുമാനമായേക്കുമെന്നും ഈ രംഗത്തുള്ളവർ അഭിപ്രായപ്പെട്ടു. റിയാദിന് പുറമേ സൗദിയിലെ മറ്റു നഗരങ്ങളിലേക്കും സർവിസ് വർധിപ്പിച്ചേക്കും. ഈ വർഷം മാർച്ചിലാണ് ചൈനീസ് മധ്യസ്ഥതയിൽ സൗദിക്കും ഇറാനുമിടയിൽ നയതന്ത്ര ബന്ധം പുനഃസ്ഥാപിക്കപ്പെട്ടത്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ