ദേശീയ ദിനാഘോഷങ്ങള്‍ക്കൊരുങ്ങി ബഹ്റൈൻ; നിറങ്ങളിൽ മുങ്ങി തെരുവുകൾ, രാജ്യമെങ്ങും വിപുലമായ പരിപാടികൾ

വൈവിധ്യമാര്‍ന്ന ആഘോഷ പരിപാടികളാണ് രാജ്യവ്യാപകമായി സംഘടിപ്പിക്കുന്നത്. 

മനാമ: ദേശീയ ദിനാഘോഷങ്ങള്‍ക്കൊരുങ്ങി ബഹ്റൈന്‍. ബഹ്റൈന്‍റെ 53-ാമത് ദേശീയ ദിനമാണ് ഡിസംബര്‍ 16ന് കൊണ്ടാടുക. 

രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ അധികാരമേറ്റതിന്‍റെ ര​ജ​ത​ജൂ​ബി​ലി വേ​ള കൂ​ടി​യാ​ണി​ത്. ദേശീയ ദിനാഘോഷങ്ങള്‍ക്കായി രാജ്യത്തെ തെരുവുകളും കെട്ടിടങ്ങളും അലങ്കരിച്ചിരിക്കുകയാണ്. പ്രധാന കെട്ടിടങ്ങളില്‍ ഹമദ് രാജാവിന്‍റെയും കിരീടാവകാശിയും പ്രധാനമന്ത്രിയുമായ സ​ൽ​മാ​ൻ ബി​ൻ ഹ​മ​ദ് ആ​ൽ ഖ​ലീ​ഫ​യുടെയും ചിത്രങ്ങളും സ്ഥാപിച്ചിട്ടുണ്ട്. ബഹ്റൈന്‍ ദേശീയ പതാകയുടെയും രജത ജൂബിലി പതാകയുടെയും നിറങ്ങളിലുള്ള ലൈറ്റുകള്‍ നിരത്തുകളിലും കെട്ടിടങ്ങളിലും തെളിയിച്ചിട്ടുണ്ട്. 

ദേ​ശീ​യ ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി സെ​ലി​ബ്രേ​റ്റ് ബ​ഹ്റൈ​ൻ, മു​ഹ​റ​ഖ് നൈ​റ്റ്സ് എ​ന്നീ പരിപാടികള്‍ പുരോഗമിക്കുകയാണ്. മു​ഹ​റ​ഖ് നൈ​റ്റ്സ് പ​രി​പാ​ടി​യി​ലേ​ക്ക് സ്വ​ദേ​ശി​ക​ളും വിദേശികളും ധാരാളം എത്തുന്നുണ്ട്. ബ​ഹ്റൈ​നി​ന്‍റെ സാം​സ്കാ​രി​ക തനിമ വെളിവാക്കുന്ന ക​ലാ, സാം​സ്കാ​രി​ക പ​രി​പാ​ടി​ക​ളാ​ണ് ന​ട​ക്കു​ന്ന​ത്. പ്രധാന സൂഖുകളില്‍ കച്ചവടവും പൊടിപൊടിക്കുന്നുണ്ട്. 

ബ​ഹ്‌​റൈ​ൻ അ​തോ​റി​റ്റി ഫോ​ർ ക​ൾ​ച​ർ ആ​ൻ​ഡ് ആ​ന്‍റി​ക്വി​റ്റീ​സ് (ബാ​ക്ക)​യു​ടെ ആ​ഭി​മു​ഖ്യ​ത്തി​ൽ പ്ര​ത്യേ​ക സാം​സ്‌​കാ​രി​ക പ​രി​പാ​ടി​ക​ൾ, സം​ഗീ​ത പ​രി​പാ​ടി​ക​ൾ, ക​ര​കൗ​ശ​ല ശി​ൽ​പ​ശാ​ല​ക​ൾ, കു​ട്ടി​ക​ളു​ടെ പ​രി​പാ​ടി​ക​ൾ എ​ന്നി​വ​യുള്‍പ്പെടെ രാജ്യമെങ്ങും സംഘടിപ്പിക്കും. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം