ഭീമ ഭട്ടരുടെ 120-ാം ജന്മവാർഷികം: സൗജന്യ ഡെന്റൽ, ഫിസിയോതെറപ്പി ക്യാംപ് സംഘടിപ്പിച്ചു

നൂറുകണക്കിന് പേരാണ് സൗജന്യ ക്യാമ്പിൽ പങ്കെടുത്ത് സഹായങ്ങൾ നേടിയത്.

ജൂലൈ 28ന് ഭീമ ജ്വല്ലേഴ്സ് സ്ഥാപകൻ കെ. ഭീമ ഭട്ടരുടെ 120-ാം ജന്മവാർഷികം ആഘോഷിച്ച് ഭീമ. സ്ഥാപക ദിനത്തിന്റെ ഭാ​ഗമായി അജ്മാനിലെ തുംബൈ ഹോസ്പിറ്റലുമായി ചേർന്ന് സൗജന്യ ഡെന്റൽ, ഫിസിയോതെറപ്പി ക്യാംപ് സംഘടിപ്പിച്ചു.

തുംബൈ ​ഗ്രൂപ്പ് സ്ഥാപക പ്രസിഡന്റ് ഡോ. തുംബൈ മൊയ്ദീൻ പരിപാടിയിൽ പങ്കെടുത്തു. തുംബൈ ഹെൽത്കെയർ  വൈസ് പ്രസിഡന്റ് അക്ബർ മൊയ്ദീൻ തുംബൈ, തുംബൈയിൽ നിന്നുള്ള മറ്റ് അതിഥികൾ, ഭീമ ജ്വല്ലേഴ്സ് ഡയറക്ടർ യു. രാ​ഗരാജ റാവു എന്നിവരും പരിപാടിയുടെ ഭാ​ഗമായി. നൂറുകണക്കിന് പേരാണ് സൗജന്യ ക്യാമ്പിൽ പങ്കെടുത്ത് സഹായങ്ങൾ നേടിയത്.

"മനുഷ്യന്റെ ഏറ്റവും വലിയ വരദാനമാണ് ആരോ​ഗ്യം. ഈ പരിപാടിയിലൂടെ ഞങ്ങളുടെ സ്ഥാപകൻ ഭീമ ഭട്ടരുടെ ലക്ഷ്യം നിറവേറ്റുകയാണ്. സഹജീവികളുടെ ജീവിതം മെച്ചപ്പെടുത്താൻ നിരന്തരം പരിശ്രമിച്ച വ്യക്തിത്വമായിരുന്നു അദ്ദേഹം." - യു. നാ​ഗരാജ റാവു പറഞ്ഞു.

മുൻനിര ജ്വാല്ലറി ശൃംഖലയായ ഭീമ ജ്വല്ലേഴ്സിന്റെ ശാഖകൾ ദുബായ് കരാമ സെന്റർ, കരാമ, അൽ അരൂബ സ്ട്രീറ്റ്, റൊള്ള, ഷാർജ, നെസ്റ്റോ ഹൈപ്പർമാർക്കറ്റ് മുവെലിയ ഷാർജ, നെസ്റ്റോ എം.ഐ.എ മാൾ, അൽ നഹ്ദ ഷാർജ എന്നിവിടങ്ങളിലായുണ്ട്.