യുകെയില് നിരവധി തൊഴില് അവസരങ്ങള്; വിദേശികള്ക്ക് വിസ ഇളവ്
Synopsis
വിദേശത്ത് നിന്ന് ജോലിക്കാരെ റിക്രൂട്ട് ചെയ്യാന് കെട്ടിട നിര്മ്മാണ കമ്പനികള്ക്ക് അനുമതി നല്കി കൊണ്ടാണ് ഹോം ഓഫീസ് ഈ ജോലിക്കാര്ക്ക് നിയമങ്ങളില് ഇളവ് അനുവദിച്ചത്.
ലണ്ടന് : ബ്രിട്ടനില് തൊഴില് തേടുന്നവര്ക്ക് നിര്മ്മാണ മേഖലയില് അവസരങ്ങള്. നിര്മ്മാണ മേഖലയിലെ തൊഴിലാളി ക്ഷാമം പരിഗണിച്ചാണ് ബ്രിട്ടന് വിദേശ വിദഗ്ധ തൊഴിലാളികളെ തേടുന്നത്. മലയാളികള് ഉള്പ്പെടെയുള്ളവര്ക്ക് മികച്ച അവസരമാണിത്. നിര്മ്മാണ മേഖലയില് വിദേശ തൊഴിലാളികളെ ആകര്ഷിക്കുന്നതിനായി വിസാ നിയമങ്ങളിലും യുകെ ഇളവ് വരുത്തുന്നു.
ബ്രിക് ലെയര്മാര്, മാസണ്സ്, റൂഫര്മാര്, കാര്പെന്റര്, സ്ലേറ്റേഴ്സ് എന്നിവ ഉള്പ്പെടെയുള്ള വിവിധ തൊഴിലുകള് ഷോര്ട്ടേജ് ഒക്യുപേഷന് ലിസ്റ്റില് ഉള്പ്പെടുത്തിയിട്ടുണ്ട്. ബ്രിട്ടനിലെ മൈഗ്രേഷന് അഡൈ്വസറി കമ്മറ്റി സര്ക്കാരിന് നല്കിയ ശുപാര്ശകള് പ്രകാരമാണ് നിര്മ്മാണ മേഖലയിലെ തസ്തികകള് ഷോര്ട്ടേജ് ഒക്യുപേഷന് ലിസ്റ്റില് ഉള്പ്പെടുത്തിയത്. ഇതുമായി ബന്ധപ്പെട്ട നീക്കങ്ങള് മാര്ച്ച് മുതല് തുടങ്ങിയിരുന്നു. ഇതോടെ വിദേശികള്ക്ക് ബ്രിട്ടനിലെ നിര്മ്മാണ മേഖലയിലേക്ക് വിസ ഇളവുകളുടെ സഹായത്തോടെ എത്താനാകും.
വിദേശത്ത് നിന്ന് ജോലിക്കാരെ റിക്രൂട്ട് ചെയ്യാന് കെട്ടിട നിര്മ്മാണ കമ്പനികള്ക്ക് അനുമതി നല്കി കൊണ്ടാണ് ഹോം ഓഫീസ് ഈ ജോലിക്കാര്ക്ക് നിയമങ്ങളില് ഇളവ് അനുവദിച്ചത്. പ്രധാന ദേശീയ അടിസ്ഥാന സൗകര്യങ്ങളുടെ വിതരണത്തെ സഹായിക്കുകയും അനുബന്ധ വ്യവസായങ്ങളുടെ വളർച്ചയെ ഉത്തേജിപ്പിക്കുകയും ചെയ്യുമെന്ന് ഹോം ഓഫീസ് പറഞ്ഞു. നിലവില് മറ്റ് വിദേശ ജോലിക്കാര്ക്ക് ബ്രിട്ടനിലേക്ക് വരാനായി സാധാരണ നല്കേണ്ട ചെലവുകള് വേണ്ടി വരില്ല. ബ്രിട്ടനിലെ സ്പോണ്സറുടെ ജോബ് ഓഫര് ലഭിച്ചാല് ചെലവ് കുറഞ്ഞ വിസയാകും ലഭ്യമാകുക. വിസ ആപ്ലിക്കേഷന് ഫീസില് ഇളവ് ലഭിക്കുകയും ചെയ്യും.
Read Also - വമ്പന് റിക്രൂട്ട്മെന്റുമായി എമിറേറ്റ്സ് ഗ്രൂപ്പ്; നിരവധി തൊഴിലവസരങ്ങള്, മുന്കൂട്ടി അപേക്ഷിക്കേണ്ട
ഈ ഗള്ഫ് രാജ്യങ്ങളില് ഇനി ഇന്ത്യക്കാര്ക്ക് വിസയില്ലാതെ യാത്ര ചെയ്യാം
ദില്ലി: ലോകത്തിലെ ശക്തമായ പാസ്പോര്ട്ടുകളുടെ പുതുക്കിയ പട്ടിക പുറത്തുവിട്ടു. അടുത്തിടെ പുറത്തിറക്കിയ ഹെന്ലി പാസ്പോര്ട്ട് ഇന്ഡക്സ് 2023 ല് ഇന്ത്യക്ക് 80-ാമത്തെ സ്ഥാനമാണുള്ളത്. കഴിഞ്ഞ വര്ഷത്തെ അപേക്ഷിച്ച് പട്ടികയില് ഇന്ത്യ ഇത്തവണ സ്ഥാനം മെച്ചപ്പെടുത്തിയിട്ടുണ്ട്. ഇന്ത്യക്കാര്ക്ക് നിലവില് 57 രാജ്യങ്ങളിലേക്ക് വിസാ രഹിത അല്ലെങ്കില് ഓണ് അറൈവല് വിസാ രീതിയില് പ്രവേശിക്കാനാകും.
ചൈന, ജപ്പാന്, റഷ്യ, യുണൈറ്റഡ് സ്റ്റേറ്റ്സ്, യൂറോപ്യന് യൂണിയന് രാജ്യങ്ങള് എന്നിവയടക്കം 177 രാജ്യങ്ങളിലേക്ക് യാത്ര ചെയ്യാന് ഇന്ത്യക്കാര്ക്ക് മുന്കൂര് വിസ ആവശ്യമാണ്. ഗള്ഫ് രാജ്യങ്ങളായ ഒമാന്, ഖത്തര് എന്നിവിടങ്ങളിലേക്ക് യാത്ര ചെയ്യാന് ഇന്ത്യക്കാര്ക്ക് മുന്കൂര് വിസ ആവശ്യമില്ല. ഇതോടെ ഈ രാജ്യങ്ങളിലേക്ക് ഇന്ത്യക്കാര്ക്ക് തടസ്സരഹിതമായ പ്രവേശനം സാധ്യമാണ്. മീഡില് ഈസ്റ്റില് ഇറാന്, ജോര്ദാന്, ഒമാന്, ഖത്തര് എന്നീ രാജ്യങ്ങളാണ് ഇന്ത്യക്കാര്ക്ക് മുന്കൂട്ടി വിസയില്ലാതെ പ്രവേശനം അനുവദിക്കുന്നത്.
Read Also - മൂന്നുദിവസമായി ഒരു വിവരവുമില്ല, മുറി തുറന്നപ്പോള് പ്രവാസി മലയാളി മരിച്ച നിലയിൽ
ഏഷ്യാനെറ്റ് ന്യൂസ് ലൈവ് യുട്യൂബില് കാണാം...
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam, World Pravasi News, Keralites Abroad News, NRI Malayalis News ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ