87 ക​പ്പ​ലു​ക​ളും നാല് ലക്ഷത്തോളം യാ​ത്ര​ക്കാ​രും; ഖത്തറിൽ റെക്കോർഡിട്ട് ക്രൂ​സ് ​സീ​സ​ൺ സ​മാ​പിച്ചു

ക്രൂ​സ് സീ​സ​ണി​ൽ ഇ​ത്ത​വ​ണ 87 ക​പ്പ​ലു​ക​ളി​ലാ​യി 3.96 ല​ക്ഷം യാ​ത്ര​ക്കാ​ർ ഖ​ത്ത​റി​ലെ​ത്തി.

ദോഹ: ഖ​ത്ത​റി​ൽ അ​ഞ്ചു മാസ​ത്തി​ലേ​റെ നീ​ണ്ടു നി​ന്ന ക്രൂ​സ് വി​നോ​ദ സ​ഞ്ചാ​ര സീ​സ​ൺ സ​മാ​പി​ച്ച​പ്പോൾ എത്തിയ ക​പ്പ​ലു​ക​ളു​ടെ​യും യാ​ത്ര​ക്കാ​രു​ടെ​യും എണ്ണത്തിൽ റെ​ക്കോ​ഡ്. ന​വം​ബ​ർ ആ​ദ്യ വാ​ര​ത്തി​ൽ ആ​രം​ഭി​ച്ച ക്രൂ​സ് സീ​സ​ണി​ൽ ഇ​ത്ത​വ​ണ 87 ക​പ്പ​ലു​ക​ളി​ലാ​യി 3.96 ല​ക്ഷം യാ​ത്ര​ക്കാ​ർ ഖ​ത്ത​റി​ലെ​ത്തി. മു​ൻ സീ​സ​ണി​നെ അ​പേ​ക്ഷി​ച്ച് യാ​ത്ര​ക്കാ​രു​ടെ എ​ണ്ണ​ത്തി​ൽ അ​ഞ്ചു ശ​ത​മാ​നം വ​ർ​ധ​ന​യു​ണ്ടായി. ക​പ്പ​ലു​ക​ളു​ടെ എ​ണ്ണ​ത്തി​ൽ 19 ശ​ത​മാ​ന​വും വ​ർ​ധ​ന​യു​ണ്ട്. മ​വാ​നി ഖ​ത്ത​റാണ് ക​ണ​ക്കു​ക​ൾ പു​റ​ത്തു​വി​ട്ടത്. 

ലോ​ക​ത്തെ പ്ര​മു​ഖ ആ​ഡം​ബ​ര ക​പ്പ​ലു​ക​ളെ​ല്ലാം ഇ​ത്ത​വ​ണ ഖ​ത്ത​ര്‍ തീ​ര​ത്ത് എ​ത്തി​യി​രു​ന്നു. മെ​യി​ൻ ഷീ​ഫ് 4, എം.​എ​സ്.​സി യൂറി​ബി​യ, എ​ഐഡിഎ പ്രൈമ, കോ​സ്റ്റ സ്മെ​റാ​ൾ​ഡ, സെ​ല​സ്റ്റി​യ​ൽ ജേ​ർണി എ​ന്നീ അ​ത്യാ​ഡം​ബ​ര ക​പ്പ​ലു​ക​ൾ ​ഇതിലുൾപ്പെടും. 1800 സ​ഞ്ചാ​രി​ക​ളു​മാ​യി ഈ ​മാ​സം പന്ത്രണ്ടിനെ​ത്തി​യ നോ​ര്‍വീ​ജി​യ​ന്‍ സ്കൈ ​ആ​ണ് അ​വ​സാ​ന​മെ​ത്തി​യ വ​മ്പ​ന്‍ ക​പ്പ​ല്‍. 

ക്രൂ​സ് വിനോദ സഞ്ചാരമേഖലയില്‍ കഴിഞ്ഞ ഏതാനും വര്‍ഷങ്ങളായി വലിയ മുന്നേറ്റമാണ് ഖത്തര്‍ കൈവരിക്കുന്നത്. ക്രൂ​സ് സ​ഞ്ചാ​രി​ക​ളെ സ്വീകരിക്കുന്നതിനും ടൂറിസം പ്രോ​ത്സാ​ഹി​പ്പി​ക്കു​ന്ന​തി​ന്റെയും ഭാഗമായി വി​പു​ല​മാ​യ ത​യാ​റെ​ടു​പ്പുകളാ​ണ് ഖത്തർ നടത്തുന്നത്. ഗ​താ​ഗ​ത സൗ​ക​ര്യ​ങ്ങ​ൾ, ആ​ധു​നി​ക സ്വീ​ക​ര​ണ കേ​ന്ദ്രം, വേ​ഗ​ത്തി​ലു​ള്ള ന​ട​പ​ടി ക്ര​മ​ങ്ങ​ൾ, വി​വി​ധ ഭാ​ഷ​ക​ളി​ലെ ഇൻഫ​ർ​മേ​ഷ​ൻ പോ​യ​ന്റു​ക​ൾ തുടങ്ങിയ സംവിധാനങ്ങൾ ദോ​ഹ തു​റ​മു​ഖ​ത്ത് ഒരുക്കിയിട്ടുണ്ട്. 

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം