ഷഹീന് ചുഴലിക്കാറ്റിന്റെ പ്രഭാവം യുഎഇയില് അവസാനിച്ചതായി അധികൃതര്
Synopsis
ഷഹീന് ചുഴലിക്കാറ്റ് ദുര്ബലപ്പെട്ട് ന്യൂനമര്ദ്ദമായി മാറി തെക്കോട്ട് നീങ്ങുകയാണെന്ന് ദേശീയ കാലാവസ്ഥാ കേന്ദ്രം അറിയിച്ചു.
അബുദാബി: ഷഹീന് ചുഴലിക്കാറ്റിന്റെ(cyclone Shaheen) സ്വാധീനം യുഎഇയില്(UAE) അവസാനിച്ചതായി നാഷണല് എമര്ജന്സി ക്രൈസിസ് ആന്ഡ് ഡിസാസ്റ്റേഴ്സ് മാനേജ്മെന്റ് അതോറിറ്റി(എന്സിഇഎംഎ) തിങ്കളാഴ്ച അറിയിച്ചു. ചുഴലിക്കാറ്റ് മൂലമുണ്ടാകുന്ന അടിയന്തര സാഹര്യങ്ങളെ നേരിടാന് ഫെഡറല്, പ്രാദേശിക അധികൃതര് പൂര്ണ സജ്ജമാണ്.
ഷഹീന് ചുഴലിക്കാറ്റ് ദുര്ബലപ്പെട്ട് ന്യൂനമര്ദ്ദമായി മാറി തെക്കോട്ട് നീങ്ങുകയാണെന്ന് ദേശീയ കാലാവസ്ഥാ കേന്ദ്രം അറിയിച്ചു. യുഎഇയുടെ ചില ഭാഗങ്ങളില് മഴയും, ഉയര്ന്ന തിരമാലകളും ശക്തമായ പൊടിക്കാറ്റും ഉണ്ടായി. ഒമാന് കടലില് നിന്ന് 8-9 അടി ഉയരത്തില് തിരമാലകളുയരുകയും കടല് പരുക്കനാകുകയും ചെയ്തിട്ടുണ്ട്. രാജ്യത്തിന്റെ കിഴക്കന് തീരത്ത് അഞ്ച് അടി ഉയരെ തിരമാലകള് എത്തി. അറേബ്യന് 5-7 അടി ഉയരത്തിലാണ് തിരമാലകള്. അധികൃതരുടെ അറിയിപ്പുകള് പിന്തുടരാനും ഏതെങ്കിലും തരത്തില് പ്രശ്നങ്ങളുണ്ടായാല് അറിയിക്കാനും ജനങ്ങളോട് ആവശ്യപ്പെട്ടിട്ടുണ്ട്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam