സൗദിയിൽ പ്രതിദിന കൊവിഡ് ബാധിതരുടെ എണ്ണം 400 കടന്നു

ഇതുവരെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,85,424 ആയി. ഇവരിൽ 3,74,799 പേർക്കും രോഗം ഭേദമായി. ആകെ മരണസംഖ്യ 6,613 ആയി. രാജ്യത്തെ വിവിധ ആശുപത്രികളിലും മറ്റുമായി 4012 പേർ നിലവിൽ ചികിത്സയിലുണ്ട്.

റിയാദ്: സൗദി അറേബ്യയിൽ കൊവിഡ് ബാധിതരുടെ പ്രതിദിന എണ്ണം 400 കടന്നു. ഏറെക്കാലത്തിനു ശേഷമാണ് ഇത്രയും ഉയർന്നത്. 404 പേർക്കാണ് തിങ്കളാഴ്ച്ച പുതുതായി രോഗബാധ സ്ഥിരീകരിച്ചത്‌. 387 പേർ രോഗമുക്തി നേടി. രാജ്യത്ത് വിവിധ ഭാഗങ്ങളിലായി നാല് പേർ മരിച്ചു. 

ഇതുവരെ രാജ്യത്ത് രോഗം സ്ഥിരീകരിച്ചവരുടെ ആകെ എണ്ണം 3,85,424 ആയി. ഇവരിൽ 3,74,799 പേർക്കും രോഗം ഭേദമായി. ആകെ മരണസംഖ്യ 6,613 ആയി. രാജ്യത്തെ വിവിധ ആശുപത്രികളിലും മറ്റുമായി 4012 പേർ നിലവിൽ ചികിത്സയിലുണ്ട്. ഇവരിൽ 595 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. 

രാജ്യത്തെ രോഗ മുക്തി നിരക്ക് 97 ശതമാനവും മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കേസുകൾ: റിയാദ് 184, കിഴക്കൻ പ്രവിശ്യ 73, മക്ക 66, അൽ ഖസീം 14, ഹാഇൽ 12, മദീന 12, വടക്കൻ അതിർത്തി മേഖല 12, തബൂക്ക് 8, അസീർ 6, അൽജൗഫ് 6, ജീസാൻ 5, അൽബാഹ 4, നജ്‌റാൻ 2.