പൊലീസ് വേഷത്തിലെത്തി പീഡനം; സൗദിയില് മൂന്ന് വിദേശികളുടെ വധശിക്ഷ നടപ്പാക്കി
Synopsis
ജിദ്ദയിലാണ് മൂന്ന് പാകിസ്ഥാന് പൗരന്മാര് പൊലീസ് വേഷത്തിലെത്തി പീഡിപ്പിച്ചത്. ആയുധങ്ങളുമായി താമസ സ്ഥലത്തെത്തി ഇവര് സ്ത്രീയെ ഭീഷണിപ്പെടുത്തുകയായിരുന്നു. ഇവിടെയുണ്ടായിരുന്ന മറ്റൊരു സ്ത്രീയെയും പ്രതികള് പീഡിപ്പിക്കാന് ശ്രമിക്കുകയും വാതില് തകര്ക്കുകയും ചെയ്തിരുന്നു.
റിയാദ്: സൗദി അറേബ്യയില് പൊലീസ് വേഷത്തിലെത്തി സ്ത്രീയെ പീഡിപ്പിച്ച കേസില് മൂന്ന് വിദേശികളുടെ വധശിക്ഷ നടപ്പാക്കി. മദ്യലഹരിയില് താമസ സ്ഥലത്ത് അതിക്രമിച്ച് കടന്നാണ് മൂന്ന് പാകിസ്ഥാന് പൗരന്മാര് സ്ത്രീയെ പീഡിപ്പിച്ചത്. പ്രതികള്ക്ക് വധശിക്ഷ നല്കാന് ക്രിമിനല് കോടതി നേരത്തെ ഉത്തരവിട്ടിരുന്നു. പിന്നീട് അപ്പീല് കോടതിയും സുപ്രീം കോടതിയും വധശിക്ഷാവിധി ശരിവെച്ചതോടെയാണ് ശിക്ഷ നടപ്പാക്കിയത്.
ജിദ്ദയിലാണ് മൂന്ന് പാകിസ്ഥാന് പൗരന്മാര് പൊലീസ് വേഷത്തിലെത്തി പീഡിപ്പിച്ചത്. ആയുധങ്ങളുമായി താമസ സ്ഥലത്തെത്തി ഇവര് സ്ത്രീയെ ഭീഷണിപ്പെടുത്തുകയായിരുന്നു. ഇവിടെയുണ്ടായിരുന്ന മറ്റൊരു സ്ത്രീയെയും പ്രതികള് പീഡിപ്പിക്കാന് ശ്രമിക്കുകയും വാതില് തകര്ക്കുകയും ചെയ്തിരുന്നു. പ്രതികളെ പിന്നീട് പൊലീസ് പിടികൂടി. വിചാരണയ്ക്കൊടുവില് പ്രതികള്ക്ക് വധശിക്ഷ നല്കാന് ക്രിമിനല് കോടതി ഉത്തരവിട്ടു. ഈ വിധി അപ്പീല് കോടതിയും സുപ്രീം കോടതിയും ശരിവെച്ചതോടെ വ്യാഴാഴ്ച സൗദി ആഭ്യന്തര മന്ത്രാലയം പ്രതികളുടെ ശിക്ഷ നടപ്പാക്കുകയായിരുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam