തിരുവനന്തപുരത്ത് നിന്നും മാലദ്വീപിലേക്ക് കൂടുതല് വിമാന സര്വീസുകള്
Synopsis
മാലെയിലേക്കുള്ള സര്വീസുകളുടെ എണ്ണം മേയ് 29 മുതല് ആഴ്ചയില് 5 ദിവസമായി വര്ദ്ധിക്കും. ഹാനിമാധുവിലേയ്ക്ക് ആഴ്ചയില് രണ്ടുദിവസമാണ് സര്വീസ്.
തിരുവനന്തപുരം: മാലദ്വീപിലേക്ക് തിരുവനന്തപുരം രാജ്യാന്തര വിമാനത്താവളത്തില് നിന്നുളള വിമാന സര്വീസുകളുടെ എണ്ണം കൂടുന്നു. മാലദ്വീപിലെ ഹാനിമാധുവിലേക്ക് മാല്ഡീവിയന് എയര്ലൈന്സിന്റെ സര്വീസ് പുനരാരംഭിച്ചു.
മാലെയിലേക്കുള്ള സര്വീസുകളുടെ എണ്ണം മേയ് 29 മുതല് ആഴ്ചയില് 5 ദിവസമായി വര്ദ്ധിക്കും.
ഹാനിമാധുവിലേയ്ക്ക് ആഴ്ചയില് രണ്ടുദിവസമാണ് സര്വീസ്. ഞായര്, വ്യാഴംദിവസങ്ങളില് പുലര്ച്ചെ 2.40ന് തിരുവനന്തപുരത്ത് എത്തുന്ന വിമാനം 3. 40ന് തിരിച്ചുപോകും. മാലെയിലേക്ക് നിലവില് തിങ്കള്, വ്യാഴം, ശനി ദിവസങ്ങളിലാണ് സര്വീസ് ഉള്ളത്. ബുധന്, ഞായര് ദിവസങ്ങളിലാണ് പുതിയസര്വീസ് തുടങ്ങുന്നത്.
വൈകിട്ട് 4.15ന് എത്തുന്ന വിമാനം 5.15ന് തിരിച്ചുപോകും. മാലദ്വീപില് നിന്ന് ചികിത്സാര്ത്ഥം കേരളത്തില് എത്തുന്നവര്ക്ക് പുറമേ കേരളം, തമിഴ്നാട് സംസ്ഥാനങ്ങളില് നിന്ന് മാലദ്വീപില് ജോലി ചെയ്യുന്നവര്ക്കും വിനോദസഞ്ചാരികള്ക്കും സര്വീസ് പ്രയോജനപ്പെടും.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam