ഖത്തറിലെ ഹെലികോപ്റ്റർ അപകടം; ഏഴാമത്തെ സൈനികന്‍റെ മൃതദേഹവും കണ്ടെത്തി

ഖത്തറില്‍ ഹെലികോപ്റ്റർ തകർന്നുവീണുണ്ടായ അപകടത്തിൽ ഏഴാമത്തെ സൈനികന്റെ മൃതദേഹവും കണ്ടെത്തി. സൈനിക ഹെലികോപ്റ്റർ കടലിൽ തകർന്നുവീഴുകയായിരുന്നു. സാങ്കേതിക കാരണം മൂലമാണ് അപകടമെന്നാണ് വിശദീകരണം.

ദോഹ: ഖത്തർ ഹെലികോപ്റ്റർ അപകടത്തിൽ ഏഴാമത്തെ സൈനികന്‍റെ മൃതദേഹവും കണ്ടെത്തി. ഹെലികോപ്റ്ററിലുണ്ടായിരുന്ന ഏഴു പ‍േരും മരിച്ചതായി സ്ഥിരീകരിച്ചു. നേരത്തെ ആറു പേരുടെ മൃതദേഹങ്ങൾ തെരച്ചിലിൽ കണ്ടെത്തിയിരുന്നു.

വിവിധ സുരക്ഷാ വിഭാഗങ്ങൾ സംയുക്തമായാണ് തെരച്ചിൽ നടത്തിയത്. സൈനിക ഹെലികോപ്റ്റർ കടലിൽ തകർന്നുവീഴുകയായിരുന്നു. സാങ്കേതിക കാരണം മൂലമാണ് അപകടമെന്നാണ് വിശദീകരണം. ഖത്തറിലെ പ്രതിരോധമന്ത്രാലയവും ആഭ്യന്ത്ര മന്ത്രാലയവും ഇക്കാര്യം സ്ഥിരീകരിച്ചിരുന്നു. സാധാരണ ഡ്യൂട്ടിക്കിടെ ഉണ്ടായ സാങ്കേതിക തകരാണ് അപകടത്തിന് കാരണമെന്നാണ് പ്രാഥമികമായി ലഭിച്ച വിവരം.