നിർത്തിവെച്ച സർവീസ് ഇൻഡിഗോ വീണ്ടും ആരംഭിക്കുന്നു; യാത്രക്കാർക്ക് ആശ്വാസം, കോഴിക്കോട് നിന്ന് നേരിട്ട് പറക്കാം

യാത്രക്കാര്‍ക്ക് ആശ്വാസമായി ഇന്‍ഡിഗോയുടെ അബുദാബിയില്‍ നിന്ന് കോഴിക്കോടേക്കുള്ള സര്‍വീസ് വീണ്ടും ആരംഭിക്കുന്നു.

അബുദാബി: യാത്രക്കാര്‍ക്ക് സന്തോഷ വാര്‍ത്ത. അബുദാബിയില്‍ നിന്ന് കോഴിക്കോടേക്ക് ഇന്‍ഡിഗോയുടെ നേരിട്ടുള്ള സര്‍വീസ് പുനരാരംഭിക്കുന്നു. ഈ മാസം 21 മുതലാണ് സര്‍വീസ് ആരംഭിക്കുന്നത്.

കോഴിക്കോട് നിന്ന് പുലര്‍ച്ചെ  1.55ന് ​പു​റ​പ്പെ​ടു​ന്ന വി​മാ​നം അ​ബുദാബിയില്‍ പു​ല​ർ​ച്ചെ 4.35ന് എത്തും. തിരികെ ​രാ​വി​ലെ 5.35ന്​ ​അ​ബു​ദാ​ബി​യി​ൽ നി​ന്ന് പു​റ​പ്പെ​ടു​ന്ന വി​മാ​നം രാ​വി​ലെ 10.50ന് ​കോ​ഴി​ക്കോ​ടും എ​ത്തും. ഈ സര്‍വീസ് നിലവില്‍ ജനുവരി 16 വരെയാണ് പ്രഖ്യാപിച്ചിട്ടുള്ളത്.

യാത്രക്കാര്‍ കൂടുതലായാല്‍ സര്‍വീസ് നീട്ടാനും സാധ്യതയുണ്ട്. പുതിയ സര്‍വീസിന് ടിക്കറ്റ് ബുക്കിങ് ആരംഭിച്ചു. കോ​ഴി​ക്കോ​ട് ​നി​ന്ന് അ​ബുദാ​ബി​യി​ലേ​ക്ക് 468 ദി​ർ​ഹ​വും അ​ബുദാബി​യി​ൽ നി​ന്ന് കോ​ഴി​ക്കോ​ട്ടേ​ക്ക് 391 ദി​ർ​ഹ​മു​മാ​ണ് ഈ ​കാ​ല​യ​ള​വി​ലെ നി​ല​വി​ലെ ഏ​റ്റ​വും കു​റ​ഞ്ഞ നി​ര​ക്ക്. നിലവില്‍ ദുബൈയില്‍ നിന്ന് കോഴിക്കോട് വിമാനത്താവളത്തിലേക്ക് ഇന്‍ഡിഗോ സര്‍വീസുകള്‍ നടത്തുന്നുണ്ട്. പുതിയ സര്‍വീസ് വരുന്നതോടെ ഈ റൂട്ടിലെ യാത്രക്കാര്‍ക്ക് ആശ്വാസമാകും. നേ​ര​ത്തെ അ​ബു​ദാബി​യി​ൽ ​നി​ന്നും ഷാ​ർ​ജ​യി​ൽ ​നി​ന്നും കോ​ഴി​ക്കോ​ട്ടേ​ക്കു​ള്ള നേ​രി​ട്ടു​ള്ള സ​ർ​വീ​സ് നടത്തിയിരുന്നു. കൊവി​ഡി​നെ തു​ട​ർ​ന്നാ​ണ് ഈ ​സ​ർ​വീ​സു​ക​ൾ താ​ൽ​ക്കാ​ലി​ക​മാ​യി നി​ർ​ത്തിവെച്ചത്.

ഏഷ്യാനെറ്റ് ന്യൂസ് ലൈവ് യുട്യൂബിൽ കാണാം