മലയാളി യുവതി അബുദാബിയിൽ മരിച്ചു, വിട പറഞ്ഞത് കണ്ണൂർ സ്വദേശിനി

തലശ്ശേരി സ്വദേശിനി ആലിയമ്പത് ഹുസ്ന ഷെറിൻ ആണ് അബുദാബിയിൽ മരിച്ചത് 

അബുദാബി: കണ്ണൂർ തലശ്ശേരി സ്വദേശിനിയായ യുവതി യുഎഇയിൽ മരിച്ചു. മുണ്ടേരി കോളിൽമൂല ചാലിൽ ഫഹദിന്റെ ഭാര്യ ആലിയമ്പത് ഹുസ്ന ഷെറിൻ ആണ് അബുദാബിയിൽ മരിച്ചത്. 33 വയസ്സായിരുന്നു. അസുഖത്തെ തുടർന്ന് സ്വകാര്യ ആശുപത്രിയിൽ ചികിത്സയിലിരിക്കെ ആണ് മരണം സംഭവിച്ചത്. മക്കൾ: ഐദിൻ, അനാമി, ഐഹാം. പിതാവ്: ബയ്യിൽ മുസ്തഫ, മാതാവ്: ആലിയമ്പത് റഹിമ. സഹോദരങ്ങൾ: നിദ ഫാത്തിമ, സഫ ഫർഹത്. ബനിയാസ് മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിലെത്തിക്കുമെന്ന് ബന്ധപ്പെട്ടവർ അറിയിച്ചു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം