ബ​ഹ്റൈ​നി​ലെ​ത്തി​യ മു​ഖ്യ​മ​ന്ത്രി പി​ണ​റാ​യി വി​ജ​യ​ന് ഊഷ്മള സ്വീകരണം, പ്ര​വാ​സി മ​ലയാ​ളി സം​ഗ​മം ഇന്ന്

ബ​ഹ്റൈ​നി​ലെ​ത്തി​യ മു​ഖ്യ​മ​ന്ത്രി പി​ണ​റാ​യി വി​ജ​യ​ന് ഊ​ഷ്മ​ള സ്വീ​ക​ര​ണം. ഇന്നലെ പുലർച്ചെയോടെ എത്തിയ മുഖ്യമന്ത്രിയെ ഇന്ത്യൻ സ്ഥാനപതി വിനോദ് കെ. ജേക്കബിന്‍റെ നേതൃത്വത്തിൽ പ്രവാസി സംഘടനാ പ്രതിനിധികൾ സ്വീകരിച്ചു.

മനാമ: ഗ​ൾ​ഫ് പ​ര്യ​ട​ന​ത്തി​ന്‍റെ ഭാ​ഗ​മാ​യി ബ​ഹ്റൈ​നി​ലെ​ത്തി​യ മു​ഖ്യ​മ​ന്ത്രി പി​ണ​റാ​യി വി​ജ​യ​ന് ഊ​ഷ്മ​ള സ്വീ​ക​ര​ണം. ഇന്നലെ പുലർച്ചെയോടെ എത്തിയ മുഖ്യമന്ത്രിയെ ഇന്ത്യൻ സ്ഥാനപതി വിനോദ് കെ. ജേക്കബിന്‍റെ നേതൃത്വത്തിൽ പ്രവാസി സംഘടനാ പ്രതിനിധികൾ സ്വീകരിച്ചു. വ്യാ​ഴാ​ഴ്ച പു​ല​ര്‍ച്ച 12.40ന് ​തി​രു​വ​ന​ന്ത​പു​ര​ത്ത് ​നി​ന്നു​ള്ള ഗ​ള്‍ഫ് എ​യ​ര്‍ വി​മാ​ന​ത്തി​ലാണ് മുഖ്യമന്ത്രി എ​ത്തി​യത്.

മു​ഖ്യ​മ​ന്ത്രി​യെ ബ​ഹ്‌​റൈ​ന്‍ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ല്‍ ഇ​ന്ത്യ​ൻ അം​ബാ​സ​ഡ​ർ വി​നോ​ദ് കെ. ​ജേ​ക്ക​ബ്, പ്ര​വാ​സി വ്യ​വ​സാ​യി വ​ർ​ഗീ​സ് കു​ര്യ​ൻ, പ്ര​വാ​സി മ​ല​യാ​ളി സം​ഗ​മം സ്വാ​ഗ​ത​സം​ഘം ജ​ന​റ​ൽ ക​ൺ​വീ​ന​ർ പി. ​ശ്രീ​ജി​ത്ത്‌, ചെ​യ​ർ​മാ​ൻ രാ​ധാ​കൃ​ഷ്ണ​പി​ള്ള, ലോ​ക കേ​ര​ള സ​ഭാ അം​ഗം സു​ബൈ​ർ ക​ണ്ണൂ​ർ, ബ​ഹ്‌​റൈ​ന്‍ കേ​ര​ളീ​യ സ​മാ​ജം ജ​ന​റ​ൽ സെ​ക്ര​ട്ട​റി വ​ർ​ഗീ​സ് കാ​ര​ക്ക​ൽ, ലു​ലു ക​ൺ​ട്രി മാ​നേ​ജ​ർ ജൂ​സ​ർ രു​പ​വാ​ല തു​ട​ങ്ങി​യ​വ​ര്‍ ചേ​ര്‍ന്ന് സ്വീ​ക​രി​ച്ചു.

സ​ന്ദ​ർ​ശ​ന​ത്തി​ന്‍റെ ഭാ​ഗ​മാ​യി ഇ​ന്ന് വൈ​കി​ട്ട് 6.30ന് ​ബ​ഹ്‌​റൈ​ന്‍ കേ​ര​ളീ​യ സ​മാ​ജം ഡ​യ​മ​ണ്ട് ജൂ​ബി​ലി ഹാ​ളി​ല്‍ ന​ട​ക്കു​ന്ന പ്ര​വാ​സി മ​ല​യാ​ളി സം​ഗ​മം മു​ഖ്യ​മ​ന്ത്രി ഉ​ദ്ഘാ​ട​നം ചെ​യ്യും. സം​ഗ​മ​ത്തി​ല്‍ ബ​ഹ്‌​റൈ​നി​ലെ ഇ​ന്ത്യ​ന്‍ അം​ബാ​സ​ഡ​ര്‍ വി​നോ​ദ് കെ. ​ജേ​ക്ക​ബ്, മ​ന്ത്രി സ​ജി ചെ​റി​യാ​ന്‍, എം.​എ. യൂ​സു​ഫ് അ​ലി എ​ന്നി​വ​ര്‍ വി​ശി​ഷ്ടാ​തി​ഥി​ക​ളാ​കും. ആ​യി​ര​ക്ക​ണ​ക്കി​ന് മ​ല​യാ​ളി​ക​ളുടെ പങ്കാളിത്തമാണ് പരിപാടിയിൽ പ്ര​തീ​ക്ഷി​ക്കു​ന്നത്.