കേരളത്തിന് കൈത്താങ്ങാകാന് കുവൈത്തിൽ നിന്ന് 11 കോടി രൂപയുടെ സഹായ വാഗ്ദാനം
Synopsis
നോർക്ക, ലോകകേരള സഭ എന്നിവയുടെ മേൽനോട്ടത്തിൽ നടത്തിയ യോഗങ്ങളിലാണു 11 കോടി രൂപയുടെ സഹായ വാഗ്ദാനം ലഭിച്ചത്. കഴിഞ്ഞ രണ്ടാഴ്ചയായി ഇവരുടെ മേൽനോട്ടത്തിൽ ഇതുമായി ബന്ധപ്പെട്ട പ്രവർത്തനങ്ങൾ നടത്തി വരികയായിരുന്നു.
കുവൈത്ത്: മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് കുവൈത്തിൽ നിന്ന് 11 കോടി രൂപയുടെ സഹായ വാഗ്ദാനം. പ്രളയ ദുരിതാശ്വാസത്തിന് 30കോടിരൂപ സമാഹരിക്കുകയാണ് ലക്ഷ്യമെന്ന് വിവിധ സംഘടനകൾ അറിയിച്ചു.
നോർക്ക, ലോകകേരള സഭ എന്നിവയുടെ മേൽനോട്ടത്തിൽ നടത്തിയ യോഗങ്ങളിലാണു 11 കോടി രൂപയുടെ സഹായ വാഗ്ദാനം ലഭിച്ചത്. കഴിഞ്ഞ രണ്ടാഴ്ചയായി ഇവരുടെ മേൽനോട്ടത്തിൽ ഇതുമായി ബന്ധപ്പെട്ട പ്രവർത്തനങ്ങൾ നടത്തി വരികയായിരുന്നു.
കഴിഞ്ഞ ദിവസം ജുമേറ ബീച്ച് ഹോട്ടലിലിലും യുനൈറ്റഡ് ഇന്ത്യൻ സ്കൂളിലും വെച്ച് വിവിധ വ്യവാസയ സ്ഥാപന പ്രതിനിധികളുടെയും സംഘടനാ നേതാക്കളുടെയും യോഗം വിളിച്ചു ചേർത്തിരുന്നു. ഈ യോഗത്തിൽ വെച്ച് ഒറ്റ ദിവസം കൊണ്ട് അഞ്ചര കോടി രൂപയുടെ സഹായ വാഗ്ദാനമാണു ലഭിച്ചത്.
മുഖ്യമന്ത്രിയുടെ ആഗോള സാലറി ചാലഞ്ച് ഏറ്റെടുത്ത് കൊണ്ട് ചില സ്ഥാപനങ്ങളും മുന്നോട്ട് വന്നു. കുവൈത്തിൽ നിന്ന് 30 കോടി രൂപ സമാഹരിക്കാനാണു ലക്ഷ്യമിടുന്നത്. ഈ മാസം 20 നു വ്യവസായ മന്ത്രി ഈ.പി.ജയരാജൻ ഇതിനായി കുവൈത്തിൽ എത്തുന്നുണ്ട്. അപ്പോഴേക്കും 30 കോടി രൂപയെന്ന ലക്ഷ്യത്തിലെത്താൻ സാധിക്കുമെന്നാണു സംഘാടകർ പ്രതീക്ഷിക്കുന്നത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam