മലയാളി സാമൂഹിക പ്രവർത്തകൻ റിയാദിൽ മരിച്ചു

പത്തു ദിവസം മുമ്പ് പക്ഷാഘാതമുണ്ടായതിനെ തുടർന്ന് റിയാദിലെ ഹയാത്ത് ഇൻറർനാഷണൽ ആശുപത്രിയിൽ ചികിത്സയിലായിരുന്നു.

റിയാദ്: പക്ഷാഘാതമുണ്ടായി റിയാദിലെ ആശുപത്രിയിൽ ചികിത്സയിലായിരുന്ന മലയാളി സാമൂഹിക പ്രവർത്തകൻ മരിച്ചു. ഒ.ഐ.സി.സി റിയാദ് സെൻട്രൽ കമ്മിറ്റി നിർവാഹക സമിതി അംഗമായ ആലപ്പുഴ മാവേലിക്കര സ്വദേശി നൗഷാദ് വെട്ടിയാർ (52) ആണ് ഹൃദയസ്തംഭനം മൂലം മരിച്ചത്. പത്തു ദിവസം മുമ്പ് പക്ഷാഘാതമുണ്ടായതിനെ തുടർന്ന് റിയാദിലെ ഹയാത്ത് ഇൻറർനാഷണൽ ആശുപത്രിയിൽ ചികിത്സയിലായിരുന്നു. വ്യാഴാഴ്ച വൈകിട്ടാണ് ഹൃദയാഘാതമുണ്ടായത്. ഭാര്യ: റഹീന നൗഷാദ്. മക്കൾ: ആലിയ നൗഷാദ്, ആശ നൗഷാദ്.