പ്രവാസി മലയാളി കൊവിഡ് ബാധിച്ച് മരിച്ചു
Synopsis
ദമ്മാം മെഡിക്കല് കോംപ്ലക്സില് തീവ്രപരിചരണ വിഭാഗത്തില് ചികിത്സയിലായിരുന്നു. അസുഖം മൂര്ച്ഛിച്ചതിനെ തുടര്ന്ന് ശനിയാഴ്ച പുലര്ച്ചെയാണ് മരിച്ചത്.
റിയാദ്: സൗദി അറേബ്യയിലെ ദമ്മാമില് മലയാളി കൊവിഡ് ബാധിച്ചു മരിച്ചു. കൊല്ലം മാങ്ങാട് സ്വദേശി വയലില് കിഴക്കേതില് ജോയ് റോക്കിയാണ് (70) മരിച്ചത്. രണ്ടാഴ്ച മുമ്പാണ് അസുഖബാധിതനായത്. ദമ്മാം മെഡിക്കല് കോംപ്ലക്സില് തീവ്രപരിചരണ വിഭാഗത്തില് ചികിത്സയിലായിരുന്നു. അസുഖം മൂര്ച്ഛിച്ചതിനെ തുടര്ന്ന് ശനിയാഴ്ച പുലര്ച്ചെയാണ് മരിച്ചത്.
40 വര്ഷത്തോളമായി ദമ്മാമില് പ്രവാസിയാണ്. സ്വകാര്യ കോണ്ട്രാക്ടിങ് കമ്പനിയില് ജോലി ചെയ്ത് വരികയായിരുന്നു. ദമ്മാമിലെ ജീവകാരുണ്യ, സാംസ്കാരിക, സാമൂഹിക രംഗത്തു സജീവമായിരുന്ന ഇദ്ദേഹം വലിയ സുഹൃദ് വലയത്തിന്റെ ഉടമയാണ്. ഭാര്യ: ഉഷ ജോയ്, മക്കള്: ജോസഫ് ഷിഫിന് ജോയ് (ദമ്മാം), മേരി ടീന ജോയ് (അമേരിക്ക), മരുമക്കള്: രേഷ്മ ചെറിയാന്, ഗേരി ഇഗ്നേഷ്യസ്. മൃതദേഹം ദമ്മാം മെഡിക്കല് കോംപ്ലക്സ് മോര്ച്ചറിയില് സൂക്ഷിച്ചിരിക്കുന്നു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam