വാഹനാപകടത്തില് പ്രവാസി മലയാളി നഴ്സുമാര് മരിച്ചു, മൂന്ന് പേര്ക്ക് പരിക്ക്
Synopsis
നഴ്സുമാരായ ഇവര് സഞ്ചരിച്ച വാഹനത്തില് മറ്റൊരു വാഹനം വന്നിടിച്ചാണ് അപകടമുണ്ടായത്. അപകടത്തില് പരിക്കേറ്റ സ്നേഹ, റിന്സി എന്നീ നഴ്സുമാര് നജ്റാന് ജനറല് ആശുപത്രിയിലും ഡ്രൈവര് അജിത്ത് നജ്റാന് കിങ് ഖാലിദ് ആശുപത്രിയിലും ചികിത്സയിലാണ്.
റിയാദ്: സൗദി അറേബ്യയിലെ തെക്കന് അതിര്ത്തി പട്ടണമായ നജ്റാനിലുണ്ടായ വാഹനാപകടത്തില് രണ്ട് മലയാളി നഴ്സുമാര് മരിച്ചു. വാഹനത്തിലുണ്ടായിരുന്ന മറ്റ് മൂന്നു മലയാളികള്ക്ക് പരിക്കേറ്റു. കോട്ടയം സ്വദേശി ഷിന്സി ഫിലിപ്പ് (28), തിരുവനന്തപുരം സ്വദേശി അശ്വതി വിജയന് (31) എന്നിവരാണ് മരിച്ചത്.
സ്നേഹ, റിന്സി, ഡ്രൈവര് അജിത്ത് എന്നിവരാണ് പരിക്കുകളോടെ ആശുപത്രിയിലുള്ളത്. നജ്റാന് കിങ് ഖാലിദ് ആശുപത്രിയിലെ നഴ്സുമാരായ ഇവര് സഞ്ചരിച്ച വാഹനത്തില് മറ്റൊരു വാഹനം വന്നിടിച്ചാണ് അപകടമുണ്ടായത്. അപകടത്തില് പരിക്കേറ്റ സ്നേഹ, റിന്സി എന്നീ നഴ്സുമാര് നജ്റാന് ജനറല് ആശുപത്രിയിലും ഡ്രൈവര് അജിത്ത് നജ്റാന് കിങ് ഖാലിദ് ആശുപത്രിയിലും ചികിത്സയിലാണ്. മരിച്ചവരുടെ മൃതദേഹങ്ങള് നജ്റാന് ജനറല് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. അനന്തര നടപടികളുമായി സൗദിയിലെ യുണൈറ്റഡ് നഴ്സസ് അസോസിയേഷന് ഭാരവാഹികള് രംഗത്തുണ്ട്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam