സൗദി അറേബ്യയിൽ മലയാളി നഴ്സിനെ മരിച്ച നിലയിൽ കണ്ടെത്തി

റിയാദ്- ഖുറൈസ് റോഡിലെ അൽജസീറ ആശുപത്രിയിൽ ഒന്നരവർഷമായി ജോലി ചെയ്യുകയാണ്.

റിയാദ്: മലയാളി നഴ്സിനെ സൗദി അറേബ്യയിൽ മരിച്ച നിലയിൽ കണ്ടെത്തി. റിയാദിലെ സ്വകാര്യ ആശുപത്രിയിൽ സ്റ്റാഫ് നഴ്സായ ഇടുക്കി കുമളി സ്വദേശിനി ചക്കുഴിയിൽ  സൗമ്യയെയാണ് (33) താമസസ്ഥലത്ത് മരിച്ച നിലയിൽ കണ്ടത്. റിയാദ്- ഖുറൈസ് റോഡിലെ അൽജസീറ ആശുപത്രിയിൽ ഒന്നരവർഷമായി ജോലി ചെയ്യുകയാണ്.

ഭർത്താവ് നോബിളും  ഏക മകൻ ക്രിസ് നോബിൾ ജോസും നാട്ടിലാണ്. റിയാദ് ശുമൈസി ആശുപത്രി മോർച്ചറിയിലുള്ള മൃതദേഹം നാട്ടിലെത്തിക്കുന്നതിന് റിയാദ് കെ.എം.സി.സി മലപ്പുറം ജില്ല  വെൽഫയർ കമ്മിറ്റി ചെയർമാൻ റഫീഖ് പുല്ലൂർ, ജനറൽകൺവീനർ ശറഫ് പുളിക്കൽ, റാശിദ് ദയ, റിയാസ് തിരൂർക്കാട് എന്നിവർ രംഗത്തുണ്ട്.