ഓഗസ്റ്റ് മുതല്‍ കൊമേഴ്ഷ്യല്‍ സര്‍വ്വീസ് പുനരാരംഭിക്കുമെന്ന് കുവൈത്ത് എയര്‍വേസ്

കൊവിഡ് ബാധിത രാജ്യങ്ങളിലേക്കുള്ള വിമാന സർവ്വീസ്  നിർത്തിവച്ച ആദ്യ ഗൾഫ് രാജ്യങ്ങളിൽ ഒന്നാണ് കുവൈത്ത്.

കുവൈത്ത് സിറ്റി: കൊമേഴ്ഷ്യല്‍ വിമാന സര്‍വ്വീസുകള്‍ പുനരാരംഭിക്കാനൊരുങ്ങി കുവൈത്ത് എയര്‍വേസ്. ഓഗസ്റ്റ് ഒന്നുമുതല്‍ കൊമേഴ്ഷ്യല്‍ സര്‍വ്വീസുകള്‍ ആരംഭിക്കുന്ന വിവരം ട്വിറ്ററിലൂടെയാണ് എയര്‍ലൈന്‍ അറിയിച്ചത്.

ഓഗസ്റ്റ് ഒന്നു മുതൽ മൂന്ന് ഘട്ടങ്ങളിലായി മുഴുവൻ സർവ്വീസും തുടങ്ങാന്‍ കുവൈത്ത് മന്ത്രി സഭ അനുമതി നൽകിയിരുന്നു. കൊവിഡ് ബാധിത രാജ്യങ്ങളിലേക്കുള്ള വിമാന സർവ്വീസ്  നിർത്തിവച്ച ആദ്യ ഗൾഫ് രാജ്യങ്ങളിൽ ഒന്നാണ് കുവൈത്ത്.