കൊവിഡ് മുന്കരുതല് നിര്ദ്ദേശങ്ങള് ലംഘിച്ചു; 566 പേര്ക്കെതിരെ കൂടി നടപടി
Synopsis
മൊബൈലില് ഇഹ്തിറാസ് ആപ്പ് ഡൗണ്ലോഡ് ചെയ്യാത്തതിനാണ് എട്ടുപേരെ പിടികൂടിയത്. സാമൂഹിക അകലം പാലിക്കാത്തതിന് 51 പേര് പിടിയിലായി.
ദോഹ: ഖത്തറില് കൊവിഡ് മുന്കരുതല് നിര്ദ്ദേശങ്ങള് ലംഘിച്ച 566 പേര്ക്കെതിരെ കൂടി പൊലീസ് നടപടിയെടുത്തു. പുറത്തിറങ്ങുമ്പോള് മാസ്ക് ധരിക്കാത്തതിനാണ് 507 പേരെ പിടികൂടിയത്.
മൊബൈലില് ഇഹ്തിറാസ് ആപ്പ് ഡൗണ്ലോഡ് ചെയ്യാത്തതിനാണ് എട്ടുപേരെ പിടികൂടിയത്. സാമൂഹിക അകലം പാലിക്കാത്തതിന് 51 പേര് പിടിയിലായി. ഇവരെ പബ്ലിക് പ്രോസിക്യൂഷന് കൈമാറി. രാജ്യത്ത് പുറത്തിറങ്ങുമ്പോള് മാസ്ക് ധരിക്കണമെന്നത് നിര്ബന്ധമാണ്. കൊവിഡ് പ്രതിരോധ നടപടികളുടെ ഭാഗമായി കാറില് ഒരു കുടുംബത്തില് നിന്നുള്ളവരൊഴികെ നാലുപേരില് കൂടുതല് യാത്ര ചെയ്യരുതെന്നും നിര്ദ്ദേശമുണ്ട്. ലംഘിച്ചാല് കുറഞ്ഞത് ആയിരം റിയാല് പിഴ നല്കേണ്ടി വരും. മാസ്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17-ാം നമ്പര് ഉത്തരവ് പ്രകാരമാണ് നടപടിയെടുക്കുക.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam