പ്രവാസി നിയമലംഘകരെ പിടികൂടാനായി വ്യാപക പരിശോധനകള് തുടരുന്നു
Synopsis
പരിശോധനയില് നിരവധി ലേബര് മാര്ക്കറ്റ്, റെസിഡന്സി നിയമ ലംഘനങ്ങള് കണ്ടെത്തിയതായി അധികൃതര് അറിയിച്ചു.
മനാമ: ബഹ്റൈനില് നിയമലംഘകരെ കണ്ടെത്താനുള്ള പരിശോധനകള് ശക്തമായി തുടരുന്നു. ഇതിന്റെ ഭാഗമായി ലേബര് മാര്ക്കറ്റ് റെഗുലേറ്ററി അതോറിറ്റി, നാഷണാലിറ്റി, പാസ്പോര്ട്സ്, റെസിഡന്സ് അഫയേഴ്സുമായി സഹകരിച്ച് മുഹറഖ്, തലസ്ഥാന, തെക്കന് ഗവര്ണറേറ്റുകള് എന്നിവിടങ്ങളില് സംയുക്ത പരിശോധന നടത്തി.
ക്രൈം ഡിറ്റക്ഷന് ആന്ഡ് ഫോറന്സിക് എവിഡന്സ് ജനറല് ഡയറക്ടറേറ്റ്, ഡയറക്ടറേറ്റ് ഓഫ് ക്രിമിനല് ഇന്ഫര്മേഷന്, പൊലീസ് ഡയറക്ടറേറ്റുകള് എന്നീ വിഭാഗങ്ങളും പരിശോധനയില് സഹകരിച്ചു. പരിശോധനയില് നിരവധി ലേബര് മാര്ക്കറ്റ്, റെസിഡന്സി നിയമ ലംഘനങ്ങള് കണ്ടെത്തിയതായി അധികൃതര് അറിയിച്ചു. നിയമലംഘകരെ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
ബഹ്റൈനില് തൊഴില്, താമസ നിയമലംഘനങ്ങള് കണ്ടെത്താന് ലക്ഷ്യമിട്ട് അധികൃതര് പരിശോധന നടത്തുന്നത്. തുടര്ച്ചയായ പരിശോധനകളിലൂടെ നിയമലംഘനങ്ങള് കണ്ടെത്തി നിയമ നടപടികള് സ്വീകരിക്കാന് പ്രതിജ്ഞാബദ്ധമാണെന്ന് ലേബര് മാര്ക്കറ്റ് റെഗുലേറ്ററി അതോറിറ്റി അറിയിച്ചു. രാജ്യത്തെ തൊഴില് വിപണിയിലെ നിയമവിരുദ്ധ പ്രവണതകള് തടയാനുള്ള സര്ക്കാറിന്റെ പ്രവര്ത്തനങ്ങള്ക്ക് പിന്തുണ നല്കണമെന്ന് അധികൃതര് പൊതുജനങ്ങളോട് അഭ്യര്ത്ഥിച്ചു. നിയമലംഘനങ്ങള് 17506055 എന്ന നമ്പറില് വിളിച്ച് പരാതികള് അറിയിക്കണമെന്നാണ് നിര്ദേശം.
Read More - ജോലി ചെയ്തിരുന്ന കടയിലൂടെ മയക്കുമരുന്ന് വിറ്റു; പ്രവാസി അറസ്റ്റില്
ബഹ്റൈനില് കാറും ബൈക്കുകളും കൂട്ടിയിടിച്ച് അപകടം; രണ്ടു പേര്ക്ക് പരിക്ക്
മനാമ: ബഹ്റൈനില് കാറും രണ്ട് ബൈക്കുകളും കൂട്ടിയിടിച്ച് അപകടം. അപകടത്തില് ബൈക്ക് യാത്രക്കാരായ രണ്ടുപേര്ക്ക് പരിക്കേറ്റു. ശൈഖ് ഖലീഫ ബിന് സല്മാന് ഹൈവേയില് ശനിയാഴ്ച രാവിലെയാണ് അപകടം ഉണ്ടായത്.
Read More - ലഗേജില് കഞ്ചാവുമായി വിമാനത്താവളത്തില് പിടിയിലായ പ്രവാസി യുവതിക്ക് 15 വര്ഷം തടവ്
സ്വദേശി യുവാക്കള്ക്ക് അപകടത്തില് പരിക്കേറ്റത്. ഒരു ബൈക്കിന്റെ ടയര് പഞ്ചറായതിനെ തുടര്ന്ന് നിയന്ത്രണം വിട്ട് മുമ്പിലുള്ള കാറില് ഇടിക്കുകയായിരുന്നു. തുടര്ന്ന് ഒരു ബൈക്കുമായും കൂട്ടിയിടിച്ചു. രണ്ട് ബൈക്കുകളും ഓടിച്ചിരുന്ന യുവാക്കള്ക്ക് പരിക്കേറ്റു. ഇവരെ സല്മാനിയ മെഡിക്കല് കോംപ്ലക്സില് പ്രവേശിപ്പിച്ചു. രണ്ടുപേര്ക്കും നിരവധി പരിക്കുകളുണ്ട്. ബൈക്കുകള്ക്കും സാരമായ കേടുപാടുകള് സംഭവിച്ചു. അപകടത്തില് പൊലീസ് അന്വേഷണം ആരംഭിച്ചു.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam