ഖത്തറിലെ പ്രമുഖ മലയാളി വ്യവസായിയും വിദ്യാഭ്യാസ സ്ഥാപനങ്ങളുടെ സ്ഥാപകനുമായ ഹൈ​ദ​ർ ഹാ​ജി​ അന്തരിച്ചു

ഖ​ത്ത​റി​ലെ ആ​ദ്യ​ത്തെ സൂ​പ്പ​ർ മാ​ർ​ക്ക​റ്റു​ക​ളി​ൽ ഒ​ന്നാ​യ ഫാ​മി​ലി ഫു​ഡ്‌ സെ​ന്‍ററിന്‍റെ സ്ഥാ​പ​ക​നാ​ണ്‌. കോ​ഴി​ക്കോ​ട് ഹൈ​സ​ൺ ഹോ​ട്ട​ൽ, ഹൈ​സ​ൺ മോ​ട്ടോ​ർ​സ് എ​ന്നി​വ​യു​ടെ മാ​നേ​ജി​ങ് ഡ​യ​റ​ക്ട​റാ​യി​രു​ന്നു.

ദോ​ഹ: ഖ​ത്ത​റി​ലെ ആ​ദ്യ​കാ​ല മ​ല​യാ​ളി വ്യാ​പാ​ര പ്ര​മു​ഖ​നും വി​വി​ധ വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ സ്ഥാപകനുമായ തൃ​ശൂ​ർ തൊഴിയൂർ മത്രംകോട്ട് പി.പി.ഹൈദർ ഹാജി (90) (ഹൈസൺ ഹൈദര്‍ ഹാജി) ദോഹയിൽ അന്തരിച്ചു. ഖബറട്ടം ഖത്തറില്‍ നടത്തി.

ക​ഴി​ഞ്ഞ ഏ​താ​നും മാ​സ​ങ്ങ​ളാ​യി വാ​ർ​ധ​ക്യ സ​ഹ​ജ​മാ​യ ബുദ്ധിമുട്ടുകളെ തുടര്‍ന്ന് വി​ശ്ര​മ​ത്തി​ലാ​യി​രു​ന്നു. അ​ഞ്ച് പ​തി​റ്റാ​ണ്ടോ​ളം ഖത്തറില്‍ താമസിച്ച അദ്ദേഹം 1962ൽ ​ക​പ്പ​ൽ വ​ഴി ഖ​ത്ത​റി​ൽ എ​ത്തി​യ ആ​ദ്യ​കാ​ല ഇ​ന്ത്യ​ൻ പ്ര​വാ​സി​ക​ളി​ൽ ഒ​രാ​ളാ​ണ്. ഖ​ത്ത​റി​ലെ ആ​ദ്യ​ത്തെ സൂ​പ്പ​ർ മാ​ർ​ക്ക​റ്റു​ക​ളി​ൽ ഒ​ന്നാ​യ ഫാ​മി​ലി ഫു​ഡ്‌ സെ​ന്‍ററിന്‍റെ സ്ഥാ​പ​ക​നാ​ണ്‌. 1978ൽ ​ആ​ണ് അ​ദ്ദേ​ഹം ഫാ​മി​ലി ഫു​ഡ് സെ​ന്റ​ർ സ്ഥാ​പി​ക്കു​ന്ന​ത്. കോ​ഴി​ക്കോ​ട് ഹൈ​സ​ൺ ഹോ​ട്ട​ൽ, ഹൈ​സ​ൺ മോ​ട്ടോ​ർ​സ് എ​ന്നി​വ​യു​ടെ മാ​നേ​ജി​ങ് ഡ​യ​റ​ക്ട​റാ​യി​രു​ന്നു. ഹൈ​ദ​ർ ഹാ​ജി ഖ​ത്ത​റി​ലെ പ്ര​ഥ​മ ഇ​ന്ത്യ​ൻ സ്കൂ​ളാ​യ എം.​ഇ.​എ​സി​ന്റെ സ്ഥാ​പ​ക നേ​താ​ക്ക​ളി​ൽ ഒ​രാ​ളാ​ണ്. നാ​ട്ടി​ലും വി​ദ്യാ​ഭ്യാ​സ മേ​ഖ​ല​യി​ൽ സ​ജീ​വ​മാ​യി ഇ​ട​പെ​ട്ടി​രു​ന്ന അ​ദ്ദേ​ഹം ദ​യാ​പു​രം അ​ൽ ഇ​സ് ലാം ​ചാ​രി​റ്റ​ബ്ൾ ട്ര​സ്റ്റി​ന്റെ തു​ട​ക്ക​ക്കാ​രി​ൽ ഒ​രാ​ളും ചെ​യ​ർ​മാ​നു​മാ​യി​രു​ന്നു. ഐ​ഡി​യ​ൽ എ​ജു​ക്കേ​ഷ​ൻ സൊ​സൈ​റ്റി വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ സ്ഥാ​പ​ക ചെ​യ​ർ​മാ​നാ​യും സേ​വ​ന​മ​നു​ഷ്ഠി​ച്ചു.

ദു​രി​ത​മ​നു​ഭ​വി​ക്കു​ന്ന ഇ​ന്ത്യ​ൻ പ്ര​വാ​സി​ക​ളെ പി​ന്തു​ണ​ക്കു​ന്ന​തി​നാ​യി രൂ​പ​വ​ത്ക​രി​ച്ച ഇ​ന്ത്യ​ൻ എം​ബ​സി അ​പ​ക്സ് സം​ഘ​ട​ന​ക​ളാ​യ ഐ.​സി.​സി ഇ​ന്ത്യ​ൻ ക​മ്യൂ​ണി​റ്റി ബെ​ന​വ​ല​ന്റ് ഫോ​റം (ഐ.​സി.​ബി.​എ​ഫ്) എ​ന്നി​വ​യു​ടെ സ്ഥാ​പ​കാം​ഗ​മാ​ണ്. ഖ​ത്ത​ർ ഇ​ൻ​കാ​സി​ന്റെ പ്ര​ഥ​മ ഉ​പ​ദേ​ശ​ക സ​മി​തി അം​ഗ​വും ഖ​ത്ത​ർ എം.​ഇ.​എ​സ് പ്ര​സി​ഡ​ന്റാ​യും പ്ര​വ​ർ​ത്തി​ച്ചു.

ഭാര്യ: പരേതയായ ജമീല. മക്കൾ: ഫൈസൽ, ജമാൽ, അൻവർ, ആഷിഖ് (നാലുപേരും ഫാമിലി ഫുഡ് സെന്റർ, ഖത്തർ), നസീമ. മരുമക്കൾ: അഷ്റഫ് ഷറഫുദ്ദീൻ (ന്യു ഇന്ത്യൻ സൂപ്പർ മാർക്കറ്റ്, ഖത്തർ), ഷക്കീല, റജീന, റജി, റൈസ ഖദീജ.