വിവരമറിഞ്ഞ് സ്ഥലത്തെത്തിയ പൊലീസും തീരസുരക്ഷാ ജീവനക്കാരും നടത്തിയ തെരച്ചിലിനൊടുവില്‍ രാത്രി 12 മണിയോടെയാണ് മൃതദേഹം കണ്ടെത്തിയത്.
ദുബായ്: ദുബായ് ജദ്ദാഫ് ക്രീക്കില്‍ ചൂണ്ടയിടുന്നതിനിടെ കാല്‍ വഴുതിവീണ് മലയാളി മരിച്ചു. സ്വകാര്യ സ്ഥാപനത്തില്‍ പിആര്‍ഒ ആയി ജോലി ചെയ്യുകയായിരുന്ന കൊല്ലം അഞ്ചല്‍ പുത്തയം എസ്എസ് ഹൗസില്‍ സഹദ് അബ്‍ദുല്‍ സലാമാണ് മരിച്ചത്. ബുധനാഴ്ച രാത്രി സുഹൃത്തുക്കള്‍ക്കൊപ്പം ചൂണ്ടയിടുന്നതിനിടെ കാല്‍വഴുതി വീഴുകയായിരുന്നു.
വിവരമറിഞ്ഞ് സ്ഥലത്തെത്തിയ പൊലീസും തീരസുരക്ഷാ ജീവനക്കാരും നടത്തിയ തെരച്ചിലിനൊടുവില്‍ രാത്രി 12 മണിയോടെയാണ് മൃതദേഹം കണ്ടെത്തിയത്. പൊലീസ് ഫോറന്‍സിക് ലബോറട്ടറി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാനുള്ള ശ്രമങ്ങള്‍ തുടരുന്നു. 13 വര്‍ഷമായി ദുബായില്‍ ജോലി ചെയ്യുന്ന സഹദ്, പുത്തയം സ്വദേശി സലാം, നബീസ ദമ്പതികളുടെ മകനാണ്. പുനലൂര്‍ വെഞ്ചേമ്പ് ചേറ്റുകുഴി സ്വദേശിനിയായ ഷെര്‍മിയാണ് ഭാര്യ.മുഹമ്മദ് ഷഹ്‍സാദ്, മുഹമ്മദ് ഷിഷാന്‍ എന്നിവര്‍ മക്കളാണ്.