മലയാളി ഡോക്ടർ സൗദി അറേബ്യയില് മരിച്ചു
Synopsis
മൊബൈലില് വിളിച്ചിട്ടും മറുപടി ലഭിക്കാതായതോടെ താമസിക്കുന്ന മുറിയില് അന്വേഷിച്ചെത്തിയപ്പോഴാണ് മരിച്ച നിലയില് കണ്ടെത്തിയത്.
റിയാദ്: മലയാളി ഡോക്ടർ ഹൃദയാഘാതം മൂലം മക്കയിൽ നിര്യാതനായി. കാസർകോട് പൈവളിക സ്വദേശി ഡോ. കാദർ കാസിം (49) ആണ് മരിച്ചത്. മക്ക ഏഷ്യന് പോളിക്ലിനിക്ക് മാനേജറായും ഡോക്ടറായും ആറ് വര്ഷത്തോളമായി സേവനമനുഷ്ഠിച്ചുവരികയായിരുന്നു.
മൊബൈലില് വിളിച്ചിട്ടും മറുപടി ലഭിക്കാതായതോടെ താമസിക്കുന്ന മുറിയില് അന്വേഷിച്ചെത്തിയപ്പോഴാണ് മരിച്ച നിലയില് കണ്ടെത്തിയത്. ദീർഘകാലം ഉപ്പള കൈകമ്പയിലും മംഗളൂരു ഒമേഗ ആശുപത്രിയിലും സേവനം അനുഷ്ടിച്ചിരുന്നു. മംഗളൂരു യൂനിവേഴ്സിറ്റി സെനറ്റ് അംഗമായും പ്രവര്ത്തിച്ചിരുന്നു. സാമൂഹ്യ സേവന രംഗത്തും സജീവമായിരുന്ന ഡോക്ടർ മംഗളൂരുവിലാണ് കുടുംബ സമേതം താമസിച്ചിരുന്നത്.
പിതാവ്: ഹമീദലി കമ്പാർ (മുഗുളി ഹമീദ്), മാതാവ്: സുലൈഖ, ഭാര്യ: ജസീല, മക്കള്: കാമില് കാസിം ഷാമില് കാസിം (എം.ബി.ബി.എസ് വിദ്യാര്ത്ഥികൾ), സഹോദരങ്ങള്: റസിയ ഹനീഫ ഉപ്പള, ഷമീമ അബ്ദുല്ല കയ്യാര്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam