
റിയാദ്: കാറിടിച്ച് പരിക്കേറ്റ് ദിവസങ്ങളായി ജിദ്ദയിലെ ആശുപത്രിയിൽ ചികിത്സയിലായിരുന്ന മലയാളി യുവാവ് മരിച്ചു. നബാൽ ഹദ എന്ന കുടിവെള്ള കമ്പനിയിൽ ജീവനക്കാരനായ മലപ്പുറം കൊണ്ടോട്ടി കൊളത്തൂർ മഞ്ചക്കാട് സ്വദേശി കോപ്പിലാൻ മുജീബുറഹ്മാനാണ് (37) മരിച്ചത്. റോഡ് മുറിച്ചുകടക്കുമ്പോള് കാറിടിച്ച് തെറിപ്പിക്കുകയായിരുന്നു.
ഗുരുതരമായി പരിക്കേറ്റ് റോഡിൽ കിടന്ന യുവാവിനെ പൊലീസാണ് ആശുപത്രിയിൽ എത്തിച്ചത്. ജിദ്ദ സുലൈമാനിയ ആശുപത്രിയിലായിരുന്നു പ്രവേശിപ്പിച്ചത്. ഇവിടെ തീവ്രപരിചരണ വിഭാഗത്തിൽ ചികിത്സയിൽ തുടരുന്നതിനിടയിലാണ് ഇന്നലെ മരണം സംഭവിച്ചത്. 15 വർഷമായി ജിദ്ദയിൽ പ്രവാസിയാണ്. പിതാവ്: കുഞ്ഞാലൻകുട്ടി, മാതാവ്: ഫാത്തിമ കുട്ടി. അവിവാഹിതനാണ്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam