റോഡിലെ മറ്റുള്ളവരുടെ ജീവന്‍ അപകടത്തിലാക്കിയ 21 വയസുകാരനെ ഷാര്‍ജ പൊലീസിന്റെ സഹകരണത്തോടെയാണ് പിടികൂടിയതെന്ന് ദുബൈ പൊലീസ് ചൊവ്വാഴ്‍ച പുറത്തിറക്കിയ പ്രസ്‍താവനയില്‍ പറയുന്നു.
ദുബൈ: പൊലീസ് ഉദ്യോഗസ്ഥരുടെ നിര്‍ദേശങ്ങള്‍ അവഗണിച്ച് ദുബൈയില്‍ അപകടകരമായി വാഹനമോടിച്ച യുവാവ് അറസ്റ്റിലായി. റോഡിലെ മറ്റുള്ളവരുടെ ജീവന്‍ അപകടത്തിലാക്കിയ 21 വയസുകാരനെ ഷാര്‍ജ പൊലീസിന്റെ സഹകരണത്തോടെയാണ് പിടികൂടിയതെന്ന് ദുബൈ പൊലീസ് ചൊവ്വാഴ്‍ച പുറത്തിറക്കിയ പ്രസ്‍താവനയില്‍ പറയുന്നു.
പിടിയിലായയാള്‍ നേരത്തെയും ക്രിമിനല്‍ കേസുകളില്‍ ഉള്‍പ്പെട്ടിട്ടുണ്ട്. പ്രതിക്കെതിരെ നിയമാനുസൃത നടപടികള്‍ സ്വീകരിക്കാനായി പ്രോസിക്യൂഷന് കൈമാറി. യുവാവിന്റെ അശ്രദ്ധവും അപകടകരവുമായ ഡ്രൈവിങ് യുഎഇ ഫെഡറല്‍, ട്രാഫിക് നിയമങ്ങള്‍ക്ക് എതിരാണെന്ന് അധികൃതര്‍ അറിയിച്ചു. പൊലീസിന്റെ നിര്‍ദേശം അനുസരിക്കാന്‍ വിസമ്മതിക്കുന്നവരോടും ജനങ്ങളുടെ സുരക്ഷ അപകടത്തിലാക്കുന്നവരോടും ഒരു തരത്തിലുള്ള വിട്ടുവീഴ്‍ചയും ഉണ്ടാവില്ലെന്ന് പൊലീസിന്റെ പ്രസ്‍താവനയില്‍ അറിയിച്ചു.