വീട്ടിൽ നിന്ന് വണ്ടിയിൽ വെള്ളം കയറ്റുന്നത് കണ്ട് സംശയം, മിന്നൽ റെയ്ഡിൽ കുടുങ്ങി; സംസം വെള്ളമെന്ന പേരിൽ വിൽപ്പന

പതിവ് പരിശോധനക്കിടെ വീട്ടില്‍ നിന്ന് വെള്ളം കയറ്റുന്നത് കണ്ട ഉദ്യോഗസ്ഥര്‍ക്ക് സംശയം തോന്നി റെയ്ഡ് നടത്തുകയായിരുന്നു. 

ഷാര്‍ജ: സാധാരണ ടാപ്പ് വെള്ളം സംസം വെള്ളമാണെന്ന് പറഞ്ഞ് വില്‍പ്പന നടത്തിയയാള്‍ ഷാര്‍ജയില്‍ പിടിയില്‍. ഒരു താമസസ്ഥലമാണ് അനധികൃതമായി കുപ്പിവെള്ളം തയ്യാറാക്കുന്ന കേന്ദ്രമാക്കി ഇയാള്‍ മാറ്റിയത്. പതിവ് പരിശോധനക്കിടെ ഉദ്യോഗസ്ഥര്‍ക്ക് സംശയം തോന്നിയിരുന്നു.

തുടര്‍ന്ന് ഷാ​ർ​ജ സി​റ്റി മു​നി​സി​പ്പാ​ലി​റ്റി​യു​ടെ നി​യ​ന്ത്ര​ണ, പ​രി​ശോ​ധ​ന വ​കു​പ്പും ആ​രോ​ഗ്യ നി​യ​ന്ത്ര​ണ, സു​ര​ക്ഷാ വ​കു​പ്പും സം​യു​ക്ത​മാ​യി ന​ട​ത്തി​യ റെ​യ്​​ഡി​ലാ​ണ്​ കു​റ്റകൃത്യം കണ്ടെത്തിയതും പ്രതി പിടിയിലായതും. സാധാരണ പരിശോധനക്കിടെ ഒരു വീടിന് സമീപത്ത് നിന്ന് വാഹനത്തില്‍ കുപ്പിവെള്ളം കയറ്റുന്നത് ശ്രദ്ധയില്‍പ്പെട്ടു. തുടര്‍ന്നാണ് പരിശോധന നടത്തിയത്. പരിശോധനയില്‍ വീടിന് അടുത്ത് നിന്ന് പ്രതിയെയും പിടികൂടുകയായിരുന്നു.

സംസം വെള്ളം എന്ന് ലേബല്‍ ചെയ്ത കാര്‍ട്ടണുകളും പ്ലാസ്റ്റിക് കുപ്പികളും പരിശോധനയില്‍ പിടിച്ചെടുത്തു. ഉയര്‍ന്ന വിലക്കാണ് ഇയാള്‍ സംസം വെള്ളം എന്ന് തെറ്റിദ്ധരിപ്പിച്ച് സാധാരണ വെള്ളം വിറ്റിരുന്നതെന്ന് കണ്ടെത്തി. വൃത്തിഹീനമായ സാഹചര്യത്തില്‍ വെള്ളം നിറച്ച് സോഷ്യൽ മീഡിയ വഴി പ്രചാരം നല്‍കിയായിരുന്നു വില്‍പ്പന. 

ഷാ​ർ​ജ മു​നി​സി​പ്പാ​ലി​റ്റി നി​യ​മ​ ന​ട​പ​ടി​ക്ര​മ​ങ്ങ​ൾ ആ​രം​ഭി​ച്ച​താ​യി അ​റി​യി​ച്ചു. പ​രി​ശോ​ധ​ന​യി​ൽ പി​ടി​യി​ലാ​യ വ്യ​ക്തി​യു​ടെ ഉ​ട​മ​സ്ഥ​ത​യി​ൽ ലൈ​സ​ൻ​സു​ള്ള ക​മ്പ​നി​യു​ടെ പേ​രി​ലു​ള്ള സാ​മ്പ​ത്തി​ക ഇ​ൻ‌​വോ​യ്‌​സു​ക​ൾ ക​ണ്ടെ​ത്തി. മു​നി​സി​പ്പാ​ലി​റ്റി സാ​മ്പ​ത്തി​ക വി​ക​സ​ന വ​കു​പ്പു​മാ​യി ബ​ന്ധ​പ്പെ​ട്ട്​ സ്ഥാ​പ​നം അ​ട​ച്ചു​പൂ​ട്ടി​യി​ട്ടു​ണ്ട്. ഷാ​ർ​ജ പൊ​ലീ​സു​മാ​യി സ​ഹ​ക​രി​ച്ച് പ്ര​തി​യെ അ​ന്വേ​ഷ​ണ​ത്തി​നാ​യി റ​ഫ​ർ ചെ​യ്തി​രി​ക്കു​ക​യാ​ണ്. പി​ടി​ച്ചെ​ടു​ത്ത എ​ല്ലാ സാ​ധ​ന​ങ്ങ​ളും ക​ണ്ടു​കെ​ട്ടു​ക​യും ന​ട​പ​ടി​ക്ര​മ​ങ്ങ​ൾ അ​നു​സ​രി​ച്ച് വീ​ട് അ​ട​ച്ചു​പൂ​ട്ടു​ക​യും ചെ​യ്തു.

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം