ഒമാനിൽ 172 പേര്‍ക്ക് കൂടി കൊവിഡ് സ്ഥിരീകരിച്ചു; 157 പേർക്ക് രോഗമുക്തി

കഴിഞ്ഞ 24  മണിക്കൂറിനിടയിൽ രാജ്യത്ത് കൊവിഡ് ബാധിച്ചുള്ള മരണങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ല.

മസ്‍കത്ത്: ഒമാനിൽ 172 പേർക്ക് കൂടി പുതിയതായി കൊവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് ഇതുവരെ കൊവിഡ് സ്ഥിരീകരിക്കപ്പെട്ടവരുടെ എണ്ണം 130,780 ആയി. കഴിഞ്ഞ 24  മണിക്കൂറിനിടയിൽ രാജ്യത്ത് കൊവിഡ് ബാധിച്ചുള്ള മരണങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ല.

1508 പേരാണ് ഇതിനകം ഒമാനിൽ ഇതുവരെ കൊവിഡ്  ബാധിച്ച്  മരണപ്പെട്ടിട്ടുള്ളത്. ആകെ രോഗികളില്‍ 1,23,024 പേർ ഇതിനോടകം രോഗമുക്തരായിട്ടുണ്ട്. രാജ്യത്തെ രോഗമുക്തി നിരക്ക് ഇപ്പോൾ 94.07 ശതമാനമാണെന്നും ആരോഗ്യ മന്ത്രാലയത്തിന്റെ  പ്രസ്താവനയിൽ പറയുന്നു.